ரஜினி நலமுடன் உள்ளார்... ரசிகர்கள் பதட்டப்பட வேண்டாம் - லதா ரஜினி

சென்னை: ரஜினி நல்ல ஆரோக்கியத்துடனும் நலமாகவும் உள்ளார். ரசிகர்கள் பதட்டமடைய வேண்டாம், என லதா ரஜினி அறிவித்துள்ளார்.

ரஜினி மனைவி லதா இன்று வெளியிட்டுள்ள அறிக்கையில் கூறியிருப்பதாவது:

இன்று எனது கணவர் உடல் நிலை குறித்து தவறான செய்தி பரவி உள்ளது. அன்பான உங்கள் எல்லோருடைய பிராத்தனையாலும் என் கணவர் ரஜினி நலமாக உள்ளார். ரஜினி ரசிகர்களுக்கும் தமிழக மக்களுக்கும் உலகமெங்கும் இருக்கும் அன்பு உள்ளங்களுக்கும் நான் தெரிவிப்பது என்னவென்றால் ரஜினி நலமாக உள்ளார். அன்பிற்கு நன்றி. ரசிகர்கள் வீணாக பதட்டமடைய வேண்டாம். உங்கள் அன்பு இருக்கும் வரை அவருக்கு எதுவும் நேராது.

இவ்வாறு லதா ரஜினிகாந்த் தெரிவித்துள்ளார்.