Click it and Unblock the Notifications
வாமனன் சூப்பர் ஹிட் - குஷியில் ஜெய்
பகவதி படத்தில் விஜய்யின் தம்பியாக சின்ன ரோலில் வந்து போனவர் ஜெய். இதையடுத்து வெங்கட் பிரபுவின் இயக்கத்தில் வெளியாகி பெரும் வெற்றி பெற்ற சென்னை 600028 படத்தில் ஜெய்யின் நடிப்பு அனைவரையும் கவர்ந்தது.
அவரது நடிப்பால் கவரப்பட்ட இயக்குநர் சசிக்குமார் தனது முதல் படமான சுப்ரமணியபுரத்தில் தனி நாயகனாக்கி பெரும் பிரேக் கொடுத்தார் ஜெய்க்கு.
சுப்ரமணியபுரத்தில் ஜெய் வெளிப்படுத்திய இயல்பான நடிப்பால் அவர் மீது பெரும் எதிர்பார்ப்பு ஏற்பட்டது.
இந்த நிலையில் அவர் நாயகனாக நடித்த படம்தான் வாமனன். வெள்ளிக்கிழமை ரிலீஸான இப்படம் ஹிட் வரிசையில் சேர்ந்துள்ளது. திரையிட்ட இடமெல்லாம் அமோக வரவேற்பாம். இதனால் ஜெய் குஷியாகியுள்ளார்.
மதுரை, நெல்லை, பொள்ளாச்சி என பல இடங்களிலிருந்தும் எனக்கு போல் கால்கள் வருகின்றன. அனைவரும் படம் சிறப்பாக இருப்பதாக பாராட்டுகின்றனர். ரசிகர்களை இப்படம் வெகுவாக கவர்ந்து விட்டது.
இது எனக்கு ஹாட்ரிக் வெற்றி. இதனால் மகிழ்ச்சி அடைந்துள்ளேன். அடுத்து வரும் படங்களிலும் சிறப்பாக நடிக்க ஆர்வமாக உள்ளேன்.
வாமன் பட இயக்குநர் அகமது திறமைசாலி. அதேசமயம், நடிகர்களின் கருத்துக்களையும் மதித்து ஏற்று செயல்படுத்தினார். தமிழ் சினிமாவுக்குக் கிடைத்துள்ள கிப்ட் அகமது என்கிறார் ஜெய்.
அடுத்து கோவா படத்தில் நடிப்பதற்கு தயாராகி விட்டார் ஜெய். இப்படத்தையும் வெங்கட் பிரபுவே இயக்குகிறார் என்பது குறிப்பிடத்தக்கது.
அதே நேரம் அதே இடம், அவள் பெயர் தமிழரசி என அடுத்தடுத்து ஜெய் நடித்த படங்கள் திரைக்கு வரக் காத்துள்ளன. அனேகமாக இந்த ஆண்டு ஜெய்யின் ஆண்டாக இருக்கக் கூடும்.
ஜெய் ஹோ..!
Continue with Google