twitter
    For Quick Alerts
    ALLOW NOTIFICATIONS  
    For Daily Alerts

    ராஜேந்தரின் 'ஒரு தலைக்காதல்'!

    By Staff
    |

    T.Rajender with Mumtaj
    விஜய டி.ராஜேந்தர் பெரிய பிரேக்குக்குப் பின்னர் அதிரடியாக இரு படங்களை இயக்க வருகிறார்.

    ராஜேந்தர் கடைசியாக இயக்கிய படம் வீராசாமி. இதில் அவர் அதிரடி வேடத்தில் அட்டகாசம் செய்திருந்தார். அவருக்கு ஜோடி போட்டிருந்தவர் மும்தாஜ்.

    இந்தப் படத்திற்குப் பிறகு அரசியலில் பிசியாகி விட்ட ராஜேந்தர் இப்போது இரு படங்களை தயாரித்து இயக்கப் போகிறார்.

    மேலும் இதுவரை தஞ்சை சினி ஆர்ட்ஸ் மற்றும் சிம்பு சினி ஆர்ட்ஸ் என்ற பேனர்களி்ல் படம் தயாரித்து வந்த ராஜேந்தர் முதல் முறையாக தனது இளைய மகன் குறள் பெயரில் உருவாக்கியுள்ள குறள் டிவி கிரியேஷன்ஸ் நிறுவனம் மூலம் இந்த இரு படங்களையும் தயாரிக்கப் போகிறார்.

    இரண்டில் ஒரு படத்திற்கு ஒரு தலைக்காதல் என பெயர் சூட்டியுள்ளார். 29 வருடங்களுக்கு முன்பு ஒரு தலை ராகம் மூலம் முதன் முதலில் சினிமாவில் புகுந்தவர் ராஜேந்தர். இந்த நிலையில் அதை டைப்பிலான பெயருடன் மறுபடியும் களம் காண்கிறார்.

    படத்தின் தலைப்பிலேயே காதல் இருப்பதால், இதுவும் ராஜேந்தர் பாணி காதல் கதைதான் என்பதை சொல்லித் தெரிய வேண்டியதில்லை. மேலும் வழக்கம் போல இதிலும் புதுமுகங்களே நடிக்கவுள்ளனர்.

    அதேபோல இன்னொரு படத்தை கிராமத்துப் பின்னணியில் இயக்கப் போகிறாராம் ராஜேந்தர். இதன் பெயர் இன்னும் முடிவாகவில்லை.

    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X