For Quick Alerts
    ALLOW NOTIFICATIONS  
    For Daily Alerts

    ஈழத் தமிழர்களின் நிலா- விடியல்

    By Staff
    |
    Vidiyal
    ஈழத்தமிழர்களால் தமிழ்நாட்டு மண்ணில் தயாரிக்கப்பட்ட விடியல் மற்றும் கனடிய மண்ணில் தயாரிக்கப்பட்ட நிலா ஆகிய திரைப்படங்கள் டிசம்பர் 19 மற்றும் 20ம் தேதிகளில் 377, பர்ன்ஹாம்தோர்ப் சாலை, மிஸ்ஸிசாகாவில் அமைந்துள்ள சென்ட்ரல் பார்க்வே மால் சினிமா திரையரங்கில் திரையிடப்படவிருகின்றன.

    அனைத்து கனடியத் தமிழ் மக்களும் இந்த திரைப்படங்களை பார்த்து ஈழக் கலைஞர்களுக்கு ஆதரவு கொடுக்க வேண்டுமென கனடியத் தமிழ் திரைப்படக் குழு கோரிக்கை விடுத்துள்ளது.

    விடியல் திரைப்படம் முழுக்க முழுக்க தமிழ்நாட்டு மண்ணில் கனடிய ஈழத்துக் கலைஞர்களால் தயாரிக்கப்பட்டது. இந்த திரைப்படத்தில் மனோ, சுதா, கவிதா மற்றும் இயக்குனர் தரன் மற்றும் தமிழ்நாட்டுக் கலைஞர்களும் நடித்துள்ளனர்.

    இத்திரைப்படத்துக்கு தமிழ்நாட்டு இசையமைப்பாளர் உத்ரியன் இசையமைத்துள்ளார். மற்றும் திரைப்படத்தின் பாடல்களை தமிழ்நாட்டு பாடலாசிரியர் காதல்மதி, இயக்குனர் தரன் எழுதியுள்ளனர்.

    ஒளிப்பதிவாளராக மோகன், திரு ஆகியோரும், படத்தொகுப்பை பன்னீர்செல்வம், இணை இயக்கம், வசனம் ஜீவரத்தினமும் பணியாற்றியுள்ளனர்.

    கதை, திரைக்கதை அமைத்து தரன் இயக்கியுள்ளார். விடியல் திரைப்படத்தை பொன்னுச்சாமி தயாரித்துளார்.

    நிலா திரைப்படம் முழுக்க முழுக்க கனடிய மண்ணிலேயே தயாரிக்கப்பட்டது. நிலா திரைப்படத்தில் சுதன், நவநிதா, ருபா, வினோத், விஜய், மாலன், சூரி, ராஜா, சங்கர், ஜிவன், உதயன், ராணி இவர்களுடன் இயக்குனர் தரன் மற்றும் பலர் நடித்துள்ளனர்.

    இத்திரைப்படத்துக்கு இசையமைப்பை அண்மையில் தமிழின படுகொலையைப் பற்றி இதுவே இதுவே நிலையா என்ற பாடலை வெளியீட்ட கனடிய இசையமைப்பாளர் சிறீஜிவன் பாடல்கள் எழுதி இசையமைத்துள்ளார்.

    படத்தின் ஒளிப்பதிவாளர் சுஜன் தனது காமரா கண்களால் அழகாக படமாக்கியிருக்கிறார். படத்தொகுப்பை தமிழ்நாட்டில் உள்ள தொழிழ்நுட்பக் கலைஞர் பன்னீர்செல்வம் மற்றும் படத்தின் டப்பிங்கை தமிழ்நாட்டுக் கலைஞர்கள் சினிமாத் தமிழில் பேசியுள்ளனர்.

    நிலா திரைப்படத்தின் கதை திரைக்கதை அமைத்து இயக்குனர் வி.எம்.தரன் இயக்கியுள்ளார். படத்தை வி.கந்தசாமி ஜெகன் தயாரித்துள்ளார்.

    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X