Don't Miss!
- Sports தோனியே சரி.. முஸ்தஃபிசுர்-க்கு பதிலாக வரும் ஸ்பின்னர்.. சிஎஸ்கே அணியில் நடக்கப் போகும் மாற்றம்!
- News தலைகீழாக திரும்புதே.. விவசாயிகளுக்கு குஷி.. இனி "ஸ்பாட் ஆக்ஷன்".. தமிழக அரசின் புது அதிரடி வருகிறது
- Technology Airtel அதிரடி.. இலவச ரௌட்டர்.. செட் டாப் பாக்ஸ்.. அன்லிமிடெட் டேட்டா.. 300 கேபிள் டிவி சேனல்.. 15 OTT சந்தா..
- Automobiles ஃபார்ச்சூனர் கார் என்றாலே நம்ம மக்களுக்கு தனி பிரியம்!! விலை அதிகமா இருந்தாலும் ஷோரூமுக்கு படை எடுக்குறாங்க!
- Lifestyle Mango Benefits: ஆண்கள் தினமும் ஒரு மாம்பழம் சாப்பிடுவதால் என்னென்ன நன்மைகள் கிடைக்கும்-ன்னு தெரியுமா?
- Finance வீட்டுக் கடன்: EMI செலுத்தாட்டி, வீடு ஏலம் விடப்படுமா? RBI சொல்வது என்ன? வங்கிகளின் அதிகாரம் என்ன?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
இரண்டே வாரங்களில் ரூ 225 கோடி வசூலித்த ரஜினியின் எந்திரன்!
த்ரீ இடியட்ஸ், தபாங் உள்ளிட்ட அனைத்துப் படங்களின் வசூலையும் முறியடித்து இந்தியாவின் மிகப் பெரிய வசூல் படம் என்ற சிறப்பைப் பெற்றுள்ளது சூப்பர் ஸ்டார் ரஜினியின் எந்திரன்.
ரூ 162 கோடி செலவில் தமிழில் எந்திரனாகவும், தெலுங்கு - இந்தியில் ரோபோவாகவும் ரஜினியின் படம் வெளியாகி ஓடிக் கொண்டிருக்கிறது.
அனைத்து மொழிகளிலும் எந்திரன் ரூ 200 - 225 கோடியை இரண்டே வாரங்களில் வசூலித்து சாதனைப் புரிந்துள்ளது.
இந்திய திரையுலக சரித்திரத்தில் இதுவரை வேறு எந்தப் படமும் இந்த அளவு வசூலை அதுவும் இரண்டே வாரங்களில் எடுத்ததில்லை.
இதுகுறித்து இந்தியன் எக்ஸ்பிரஸ் வெளியிட்டுள்ள சிறப்புச் செய்தியில், தமிழில் மட்டும் இரண்டு வாரங்களில் எந்திரன் ரூ 150 கோடியை வசூலித்துள்ளதாகவும், தெலுங்கு மற்றும் கேரள - கர்நாடக பகுதிகளில் ரூ 50 கோடிக்கும் அதிகமாக வசூலாகியுள்ளதாகவும், இந்தியில் ரூ 15 கோடி (ரூ 31 கோடி என்கிறார் மற்றொரு விநியோகஸ்தர்) வசூலித்துள்ளதாகவும் அந்த கட்டுரையில் குறிப்பிடப்பட்டுள்ளது.
இன்னொரு பக்கம், ரூ 400 கோடிக்கும் அதிகமாக இந்தப் படம் வசூலைக் குவித்துள்ளதாக தெரிவித்துள்ளனர் விநியோகஸ்தர்கள் சிலர். கர்நாடகத்தில் இரண்டே வாரங்களில் ரூ 10 கோடிக்கும் அதிகமாக வசூலைக் குவித்துள்ளதாகவும், இன்று வரை ஹவுஸ்புல் காட்சிகளாகவே எந்திரன் ஓடுவதாகத் தெரிவித்தார் பெங்களூரைச் சேர்ந்த விநியோகஸ்தர் சுதாகர்.
25 திரையரங்குகளில் மட்டுமே வெளியிடப்பட வேண்டும் என்று முதலில் பிடிவாதமாக இருந்தது கர்நாடக பிலிம்சேம்பர். ஆனால் குவியும் வசூலைப் பார்த்த பிறகு, அமைதியாக 60க்கும் மேற்பட்ட திரையரங்களில் எந்திரனை அனுமதித்துள்ளனர்.
இரண்டாவது வார முடிவில் வெளிநாடுகளில் எந்திரன் வசூல் விவரமும் வெளியாகியுள்ளது. எந்திரனுடன் வெளியான அஞ்ஜானா அஞ்ஜானியின் வசூல் வெகுவாகக் குறைந்துவிட, எந்திரன் மட்டும் கூடுதலாக 4 புள்ளிகளுடன் தொடர்ந்து முன்னணியில் உள்ளது.
இந்த வாரம் வெளியான வேறு எந்தப் படமும் எதிர்ப்பார்த்த வசூலைப் பெற முடியாத நிலையில் உள்ளது குறிப்பிடத்தக்கது.
வெளிநாட்டு நிலவரம்:
வட அமெரிக்கா- 24,00,000 டாலர்கள் (10 நாள் கணக்கு)
பிரிட்டன் - 7,80,000 டாலர்கள் (10 நாள்)
மலேசியா -29,00,000 டாலர்கள் (11 நாள்)