twitter
    For Quick Alerts
    ALLOW NOTIFICATIONS  
    For Daily Alerts

    பில்லா -2: அஜீத்தின் வில்லன் வித்யூத் ஜம்வால்!

    By Shankar
    |

    பில்லா 2 படத்தில், அஜீத்துக்கு வில்லனாக நடிக்கிறார் வித்யூத் ஜம்வால். பாலிவுட்டில் வளரும் நடிகராகத் திகழும் வித்யூத்துக்கு தமிழில் இதுதான் அறிமுகப் படம்.

    பில்லா 2-ல் அஜித் ஜோடியாக பார்வதி ஓமணக்குட்டன் நடிக்கிறார். சக்ரி டோல்டி இப்படத்தை இயக்குகிறார். ஐ.என்.எண்டர்டெயின்மென்ட் நிறுவனம் இப்படத்தை தயாரிக்கிறது. படப்பிடிப்பு விறுவிறுப்பாக வளர்ந்து வரும் நிலையில் அஜீத்துக்கு வில்லனாக பாலிவுட் வில்லன் நடிகர் வித்யூத் ஜம்வால் நடிக்க இருப்பதாக ஐ.என்.எண்டர்டெயின்மென்ட் நிறுவனம் அறிவித்துள்ளது.

    வித்யூத் ஜம்வால் சமீபத்தில் இந்தியில் வெளியான போர்ஸ் படத்தில் ஜான் ஆபிரஹாமுக்கு வில்லனாக நடித்தவர். தன்னுடைய 3 வயதிலேயே களரி தற்காப்பு கலையை கற்றுத் தேர்ந்துள்ளார் வித்யூத்.

    களரி மட்டுமன்றி ஜிம்னாஸ்டிக், குங்பூ, ஆகிய தற்காப்பு கலைகளையும் பயின்றுள்ளார். மேலும் சில ஆண்டுகள் மாடலிங் துறையிலும் அசத்தியிருக்கிறார். இவர் தேசிய ஜிம்னாஸ்ட் சாம்பியனும் கூட.

    இந்தியில், போர்ஸ் படத்தில், வித்யூத்தின், அசத்தலான நடிப்பு அவரை தமிழுக்கு வர வழைத்திருக்கிறது. இந்தி மட்டுமின்றி தெலுங்கில் ஜூனியர் என்.டி.ஆருடன் சக்தி மற்றும் ஒசரவல்லி போன்ற படத்திலும் பணியாற்றி இருக்கிறார்.

    தமிழ் படத்தில் நடிப்பது மிகவும் மகிழ்ச்சி அளிப்பதாகவும், அதுவும் அஜித்துடன் நடிக்க வாய்ப்பு கிடைத்தது இரட்டிப்பு மகிழ்ச்சி அளிப்பதாகவும் கூறியுள்ளார் வித்யூத்.

    பில்லா-2 முதல்கட்ட படப்பிடிப்பு ஹைதரபாத்தில் 30நாட்களும், 2ம் கட்ட படப்பிடிப்பு கோவாவில் 40 நாட்களும் முடிந்து, தற்போது 3ம் கட்ட படப்பிடிப்பு ஜார்ஜியாவில் நடந்து வருகிறது!

    English summary
    IN Entertainment today announced Vidyut Jammwal as the Negative Lead in Billa-2, putting to rest all speculations about the said casting. Billa 2 will mark Vidyut’s entry into the Tamil Film Industry. Vidyut is a National Level Gymnast, who started training at the age of 3 with Kalaeppayattu and sought proficiency in a mix of Gymnastics, Jujitsu and Kungfu as he grew up travelling all over India.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X