முகப்பு

ஸ்பெஷல்ஸ்

ஜெனிலியா - ரிதேஷ் தேஷ்முக் இருவரின் திருமணம் குறித்தும் இன்னும் எத்தனை முறை அதிகாரப்பூர்வ அறிவிப்பு வருமோ தெரியவில்லை.

இந்திப் படத்தில் ஜோடியாக நடிக்கும்போது காதலித்து, அந்தக் காதலுக்கு எழுந்த எதிர்ப்புகளை மீறி, சமீபத்தில் நிச்சயதார்த்தமும் செய்து கொண்டவர்கள் ஜெனிலியாவும் ரிதேஷும்.

இருவருக்கும் வரும் பிப்ரவரி 4-ம் தேதி திருமண தேதி நிச்சயிக்கப்பட்டதாக முதலில் செய்தி வர, உடனே மறுப்பு தெரிவித்தார் ஜெனிலியா.

அப்படியெல்லாம் எதுவும் கிடையாது, தேதியை முடிவு செய்ததும் நாங்கள்தான் அதைச் சொல்வோம் என்றனர்.

இந்த நிலையில் இன்று மீண்டும் கல்யாணத் தேதியை அறிவித்துள்ளனர். மும்பை ஹயாத் ரெஸிடென்சியில் திருமணம் நடக்கிறதாம்.

தேதி? அதே பிப்ரவரி 4-தான்!

உண்மையை முதலில் சொன்னா யார்தான் ஒத்துக்கிறாங்க!