ப்ரியாமணிக்காக வாய்ப்பு தேடும் ஜெகபதிபாபு

ப்ரியாமணி நடித்தால் சம்பளத்தைக் கூட குறைத்துக் கொண்டு நடிக்கத் தயார் என்கிறார் தெலுங்கு ஹீரோ ஜெகபதி பாபு.

ப்ரியாமணி - ஜெகபதி பாபு இடையிலான நெருக்கமான உறவு ஆந்திராவில் அத்தனை பிரசித்தம்.

ஒரு கட்டத்தில் சுத்தமாக வாய்ப்பில்லாமல் இருந்த ப்ரியாமணிக்காக பல வாய்ப்புகளை தானே போய் பெற்றுத் தந்தவர் ஜெகபதிபாபுதான் என்கிறார்கள்.

ஷாம் ஹீரோவாக நடிக்கும் ஷேத்ரம் படத்தில் ப்ரியாமணிக்கு நாயகி வாய்ப்பு வாங்கிக் கொடுத்ததோடு, அந்தப் படத்தி்ல் குறைந்த சம்பளத்தில் ஒரு கவுரவ வேடம் செய்யவும் ஒப்புக் கொண்டுள்ளாராம் ஜெகபதிபாபு.

ஏற்கெனவே இருவரும் இணைந்து 4 தெலுங்குப் படங்கள் நடித்துள்ளது. ஜெகபதிபாபுவுடன் உள்ள நெருக்கத்தை ப்ரியாமணியும் மறுக்கவில்லை என்பது குறிப்பிடத்தக்கது.