தேர்தலில் போட்டியில்லை-ஹேமமாலினி

வரும் மக்களவைத் தேர்தலில் பாஜக சார்பில் போட்டியிடும் திட்டம் ஏதுமில்லை என அக்கட்சியின் ராஜ்யசபா உறுப்பினரான நடிகை ஹேமமாலினி அறிவித்துள்ளார்.

டெல்லியில் நிருபர்களிடம் அவர் கூறுகையில்,

வரும் மக்களைத் தேர்தலில் பாஜக சார்பில் டெல்லி தொகுதியில் போட்டியிடுமாறு கட்சி நிர்வாகிகள் கூறினர். ஆனால் உண்மையில் எனக்கு தேர்தலில் போட்டியிடும் எண்ணமோ விருப்பமோ கிடையாது.

ஆனால் பாஜக தலைவர்கள் போட்டியிடும் தொகுதிகளில் தீவிர பிரசாரம் செய்வேன். இந்த தேர்தலில் பாஜக தான் வெற்றி பெற்று ஆட்சியைப் பிடிக்கும். அத்வானி பிரதமராவார்.

பாஜக தொலை நோக்குத் திட்டங்களுடன் மக்களிடம் வாக்குக் கேட்டு வருகிறது. எனவே அந்தக் கட்சியை ஆதரியுங்கள் என்றார் ஹேமமாலினி.