முகப்பு

ஸ்பெஷல்ஸ்

அங்காடித் தெரு இயக்குனர் வசந்தபாலன் இயக்கி வரும் அரவான் படத்தில் அஞ்சலியும் நடிக்கிறார்.

மிருகம், ஈரம் படங்களில் நடித்த ஆதி, தன்ஷிகா நடிக்கும் படம் அரவான். சரித்திரப் பின்னணி கொண்ட கதை இது. இந்த படத்தை அங்காடித் தெரு இயக்குனர் வசந்தபாலன் இயக்க, அம்மா கிரியேஷன்ஸ் டி சிவா தயாரிக்கிறார்.

இந்த படத்தில் இன்னொரு ஹீரோவாக பரத் வெயிட்டான கதாபாத்திரத்தில் நடிக்கிறார். கவர்ச்சி நடிகை ஸ்வேதா மேனன் தாசி வேடத்தில் நடி்ககிறார். இந்த படத்தின் மூலம் பிரபல இந்திய - ஹாலிவுட் நடிகர் கபீர் பேடி தமிழில் அறிமுகமாகிறார். பசுபதி, அர்ச்சனா கவியும் நடிக்கின்றனர். இப்படி ஒரு நட்சத்திரப் பட்டாளமே இருக்கும் இந்த படத்தில் தற்போது அஞ்சலியும் நடிக்கிறார். கௌரவ வேடத்தில் வந்து செல்கிறார்.

டீக் கடை பன் போல சில படங்களில் வந்து போய்க் கொண்டிருந்த அஞ்சலியை, அங்காடித் தெரு படம் மூலம் ஸ்டிராங் டீயாக மாற்றிக் காட்டியவர் வசந்த பாலன். இதற்கு நன்றி தெரிவிக்கும் வகையில்தான், அரவாண் படத்தில் கெஸ்ட் ரோல் செய்ய வேண்டும் என்று வசந்தபாலன் கேட்டதும் ஓ.கே சொல்லி விட்டாராம் இந்த 'எக்ஸ்பிரஷன்' நாயகி.

என்ன மரியாதை, என்ன மரியாதை...!