அவன் இவன்.... வசூலில் சாதனை!

அவன் படம் குறித்து மாறுபட்ட கருத்துக்களை விமர்சகர்கள் முன்வைத்தாலும் படத்தின் வசூல் திருப்திகரமாக உள்ளதாக தயாரிப்பாளர் கல்பாத்தி அகோரம் தெரிவித்துள்ளார்.

பாலாவின் அவன் இவன் படம் கடந்த வாரம் வெளியானது. விஷால், ஆர்யா, ஆர்கே, ஜிஎம் குமார் என பலர் நடித்துள்ள இந்தப் படம் பி மற்றும் சி சென்டர்களில் அமோக வசூலுடன் ஓடிக் கொண்டுள்ளது.

இதுகுறித்து தயாரிப்பாளர் கல்பாத்தி அகோரம் கூறுகையில், " அவன் இவன் படத்துக்கான ஓபனிங் பிரமாண்டமாக இருந்தது. எந்திரனுக்குப் பிறகு இந்த அளவு ஓபனிங் அவன் இவனுக்குத்தான். எப்படியும் ரூ 35 கோடி வரை இந்த வாரம் வசூலாகிவிடும், என்றார்.

இந்தப் படத்துக்கு தென் மாவட்டங்களில் சற்று எதிர்ப்பு கிளம்பியுள்ளது. அதேநேரம் இந்தப் பகுதிகளில்தான் ரசிகர்கள் அதிகம் குவிகிறார்களாம் படம் பார்க்க!