Click it and Unblock the Notifications
இறுதி கட்டத்தில் கண்டேன் காதலை!
ஜி தனஞ்செயன் தயாரிக்க, ஆர் கண்ணன் இயக்கும் இந்தப் படம், இந்தியில் சூப்பர்ஹிட்டான ஜப் வி மெட் படத்தின் ரீமேக் ஆகும். பரத் - தமன்னா முதல் முறையாக இந்தப் படத்தில் ஜோடி சேர்ந்துள்ளனர். படம் வெளிவருவதற்கு முன்பே இந்த ஜோடி குறித்த பரபரப்பான செய்திகள் மீடியாவை ஆக்கிரமித்துள்ளது, படத்துக்கு நல்ல எதிர்பார்ப்பை ஏற்படுத்தியுள்ளது.
தேனி, பழனி, கொடைக்கானல் என தமிழகத்தின் எழில் கொஞ்சும் பகுதிகளில் வெளிப்புறப்படப்பிடிப்பு நடந்துள்ளது. சில காட்சிகள் மட்டும் சென்னையில் படமாக்க வேண்டியுள்ளதாம்.
இறுதிக் கட்டப் படப்பிடிப்பு ஜூலை 8-ம் தேதி துவங்கி மாத இறுதிக்குள் முடிந்துவிடும் எனத் தெரிகிறது.
'கண்டேன் காதலைப் பொறுத்தவரை எல்லாமே திட்டமிட்டபடி சரியாக நடக்கிறது. ஆகஸ்டில் படத்தின் ஆடியோ ரிலீஸை வைக்கத் திட்டமிட்டுள்ளோம்', என்கிறார் தயாரிப்பாளர் ஜி தனஞ்செயன்.
சிறிய இடைவெளிக்குப் பிறகு கதாநாயகியின் தாத்தா வேடத்தில் நடிக்கிறார் பழைய நடிகர் ரவிச்சந்திரன். மனோபாலா, தீபா வெங்கட், சபன் சரன், முன்னா, சந்தானம் என பெரிய நட்சத்திரக் கூட்டமே உண்டு படத்தில்.
வித்யாசாகர் இசையமைத்துள்ளார், பிஜி முத்தையா ஒளிப்பதிவு செய்துள்ளார். மோசர் பேருடன் இணைந்து ப்ளூ ஓஷியன் எண்டர்டெயின்மெண்ட் நிறுவனம் இந்தப் படத்தைத் தயாரித்துள்ளது.
Continue with Google