For Quick Alerts
    ALLOW NOTIFICATIONS  
    For Daily Alerts

    ஜூலை 3-ம் தேதி நட்சத்திர திருமணங்கள்... களைகட்டும் கோலிவுட்!

    By Shankar
    |

    நடிகர் கார்த்தி - ரஞ்சனி திருமணம் மற்றும் இயக்குநர் செல்வராகவன் - கீதாஞ்சலி திருமணம் வருகிற 3-ந்தேதி நடக்கிறது. நட்சத்திர தம்பதிகளை வாழ்த்த கோடம்பாக்கமே தயாராகிறது.

    நடிகர் சிவகுமார் மகனும் நடிகருமான கார்த்திக்கும், ஈரோட்டைச் சேர்ந்த சின்னசாமி ஜோதி மீனாட்சி தம்பதியின் மகள் ரஞ்சனிக்கும் சமீபத்தில் ஈரோட்டில் உள்ள மணமகள் வீட்டில் நிச்சயதார்த்தம் நடந்தது.

    திருமண ஏற்பாடுகள் தீவிரமாக நடக்கின்றன. கோவை கொடீசியா அரங்கில் இந்த திருமணம் நடக்கிறது.திருமணத்துக்கு உறவினர்கள், நண்பர்கள் மற்றும் முக்கியப் பிரமுகர்கள் அனைவருக்கும் அழைப்பிதழ்களை வைத்து வருகின்றனர் மணமகன் - மணமகள் வீட்டினர்.

    மணப்பெண் மற்றும் குடும்பத்தினருக்கான புடவைகள், நகைகள் தேர்வு செய்யும் பணியில் அண்ணன் சூர்யா மனைவி ஜோதிகா தீவிரமாக ஈடுபட்டுள்ளார்.

    நகைகளை பாரம்பரிய டிசைனில் தேர்வு செய்துள்ளனர். காஞ்சீபுரத்திலும் பட்டுப் புடவைகளுக்கு ஆர்டர் கொடுத்துள்ளனர்.

    திருமண வரவேற்பு நிகழ்ச்சி சென்னை கிண்டியில் உள்ள லீ ராயல் மெரிடியன் ஓட்டலில் 7-ந்தேதி மாலை 7 மணிக்கு நடக்கிறது. இதில் நடிகர், நடிகைகள் உள்ளிட்ட திரையுலகினர் திரளாக பங்கேற்று வாழ்த்துகின்றனர்.

    செல்வராகவன் - கீதாஞ்சலி திருமணம்

    கார்த்திக்கு திருமணமாகும் அதே ஜூலை 3-ம் தேதி இயக்குநர் செல்வராகவனுக்கும் அவரது காதலி கீதாஞ்சலிக்கும் திருமணம் நடக்கிறது.

    இந்தத் திருமணத்துக்கும் தீவிரமாக ஏற்பாடுகள் நடந்து வருகின்றன. இந்த நிகழ்ச்சியில் ரஜினிகாந்த் பங்கேற்கக் கூடும் என்ற எதிர்ப்பார்ப்பு உள்ளது.

    English summary
    Kollywood is getting ready to bless the star couples Selvaragavan - Geetanjali and actor Karthi - Ranjani. The marriage of both the couples will be held on July 3rd.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X