Click it and Unblock the Notifications
ஜூன் 20ல் குசேலன் பாட்டு!
தமிழில் கே.பாலச்சந்தர், தெலுங்கில் விஜயக்குமார், அஸ்வினி தத் ஆகியோரது தயாரிப்பில் இரு மொழிகளிலும் உருவாகி வரும் படம் குசேலன். ரஜினியுடன் நயனாரா, வடிவேலு, பசுபதி, மீனா உள்ளிட்டோர் நடிக்கின்றனர்.
படப்பிடிப்பு விறுவிறுப்பாக நடந்து வருகிறது. ஷூட்டிங் கிட்டத்தட்ட முடியும் தருவாயை நெருங்கி விட்டது. ஜூலை 18ம் தேதி உலகெங்கும் படம் திரைக்கு வரும் என பாலச்சந்தர் தரப்பில் கூறப்பட்டுள்ளது.
ரஜினி, நயனதாரா சம்பந்தப்பட்ட காட்சிகளில் பெரும்பாலானவை எடுத்து முடிக்கப்பட்டு விட்டன. அடுத்த கட்டமாக ஜூன் 1ம் தேதி கேரளாவுக்கு குசேலன் யூனிட் இடம் பெயருகிறது. அங்கு ரஜினி, நயனதாரா சம்பந்தப்பட்ட ஒரு பாடல் காட்சி படமாக்கப்படவுள்ளது. இறுதிக் கட்ட ஷூட்டிங் ராமோஜி ராவ் திரைப்பட நகரில் ஜூன் 3ம் தேதி முதல் 15ம் தேதி வரை நடைபெறவுள்ளதாம்.
இப்படம் பக்கா ரஜினி படமாக இருக்கும். அவரது ரசிகர்களுக்கு 200 சதவீத திருப்தியைத் தரும் என்கிறார் இயக்குநர் பி.வாசு.
இந்த நிலையில் ஜூன் 20ம் தேதி பாடல் வெளியீட்டை சென்னை மற்றும் ஹைதராபாத்தில் பிரமாண்டமாக நடத்த ஏற்பாடு செய்யப்பட்டுள்ளது. தமிழ் குசேலனின் பாடல்கள் காலையில் சென்னையில் வெளியிடப்படும். தெலுங்கு குசேலடுவின் பாடல் ஹைதராபாத்தில் மாலையில் வெளியிடப்படும். இரு நிகழ்ச்சிகளிலும் ரஜினி கலந்து கொள்ளவுள்ளார்.
Continue with Google