முகப்பு

ஸ்பெஷல்ஸ்

அஜீத்தின் மங்காத்தா படம் இன்று சென்னையில் தணிக்கை செய்யப்பட்டது. இந்தப் படத்துக்கு யு / ஏ சான்று அளித்துள்ளனர் அதிகாரிகள்.

இதனால் இந்தப் படத்துக்கு தமிழக அரசின் வரிவிலக்கு கிடைக்காது என்று தெரிகிறது.

செவ்வாய்க்கிழமை இந்தப் படத்தைப் பார்த்த சென்சார் அதிகாரிகள், படம் நல்ல பொழுதுபோக்காக இருப்பதாக பாராட்டு தெரிவித்தனர். ஆனால் எந்த கட்டும் தரவில்லை.

இதுகுறித்து பேசிய படத்தின் புதிய உரிமையாளரான ஞானவேல் ராஜா, "மங்காத்தா சென்சாராகி வந்திருப்பதில் மகிழ்ச்சி. திட்டமிட்டபடி ஏப்ரல் 31-ம் தேதி படம் வெளியாகும்," என்றார்.

இயக்குநர் வெங்கட் பிரபு, மங்காத்தா படத்துக்கு யுஏ கிடைத்திருப்பது மகிழ்ச்சியாக உள்ளது. அஜீத் ரசிகர்களே ஆட்டத்துக்கு தயாராகுங்கள் என்று தெரிவித்துள்ளார்.

தமிழக அரசின் புதிய அறிவிப்பின்படி, யு சான்று பெற்ற படங்களுக்கு மட்டுமே வரிச்சலுகைகள் கிடைக்கும். ஆனால் யுஏ சான்று கிடைத்துள்ள மங்காத்தாவுக்கு இந்த சலுகை கிடைக்காது என்று கூறப்படுகிறது.