மே 1 முதல் மங்காத்தா

Specials

oi-Arivalagan ST

By Sudha

| Published: Thursday, December 23, 2010, 17:00 [IST]

படம் கைவிடப்பட்டதாக பெரும் பரபரப்பு ஏற்பட்டு அடங்கிய நிலையில் தற்போது அஜீத் நடிக்கும் மங்காத்தா திரைப்படம் மே 1ம் தேதி திரைக்கு வரும் என்று தெரிவிக்கப்பட்டுள்ளது.

அஜீத்தின் 50வது படம் மங்காத்தா. வெங்கட் பிரபு இயக்குகிறார். படத்தில் முக்கியப் பாத்திரத்தில் அர்ஜூன் நடிக்கிறார். முதலில் இதில் நடிப்பதாக இருந்தவர் நாகார்ஜூனா. அவர் விலகிக் கொள்ளவே அந்த வேடத்தில் அர்ஜூன் நடித்துள்ளார்.

அல்டிமேட் ஸ்டாருடன், ஆக்ஷன் கிங் இணைவது இதுவே முதல் முறையாகும். படத்திற்குப் பெரும் பலமாக கருதப்படுவது யுவன் ஷங்கர் ராஜாவின் துள்ளல் இசைதான். படத்தின் 3 பாடல்களை ஏற்கனவே முடித்து விட்டனர். படப்பிடிப்பு படு வேகமாக நடந்து வருகிறது.

அஜீத்துக்கு ஜோடியாக நடித்திருப்பவர் திரிஷா. படத்தில் லட்சுமி ராயும் உண்டு. அஞ்சலி, வைபவ், பிரேம்ஜி, ஜெயப்பிரகாஷ் ஆகியோர் முக்கியப் பாத்திரங்களில் நடித்துள்ளனர்.

படத்தை மே 1ம் தேதி அஜீத்தின் பிறந்த நாளன்று வெளியிட திட்டமிட்டுள்ளனராம்.