'ஃபேஷன்' ரீமேக்கில் த்ரிஷா!

மதுர் பண்டார்கர் இந்தியில் இயக்கிய ஃபேஷன் படம் தமிழில் ரீமேக் செய்யப்படுகிறது. இதன் இந்திப் பதிப்பில் பாலிவுட்டின் நம்பர் ஒன் நடிகை ப்ரியங்கா சோப்ரா நடித்திருந்தார். இன்னொரு நாயகியாக கங்னா ரனவத் நடித்திருந்தார்.

கதாநாயகிக்கு முக்கியத்துவம் உள்ள இந்தப் படத்தின் தமிழ்ப் பதிப்பை யுடிவி நிறுவனம் தயாரிக்கத் திட்டமிட்டுள்ளது. ஒரு நாயகியாக த்ரிஷா நடிக்க பேச்சுவார்த்தை நடந்து வருகிறது. இன்னொரு நாயகி வேடத்தில் ப்ரியாமணி நடிக்கிறாராம்.

தெலுங்கிலும் இந்தப் படம் தயாராகிறது. முன்னணி இயக்குநர் இயக்க, யுவன் சங்கர் ராஜா இசையமைப்பார் என்கிறார்கள்.

மாடல் உலக அழகிகளைப் பற்றிய படம் என்பதால், மிகுந்த பொருட்செலவில் நவீன தொழில்நுட்பத்தில் தயாரிக்கிறார்கள்.

திருமணம், புதுப்படங்களில் நடிக்க மறுப்பு என்று த்ரிஷா பற்றி செய்திகள் வந்த நிலையில், இப்போது பெரிய பட வாய்ப்பை அவர் ஏற்றிருப்பது குறிப்பிடத்தக்கது.