For Quick Alerts
    ALLOW NOTIFICATIONS  
    For Daily Alerts

    கொச்சி வந்த விஜய்- பெருமளவில் திரண்டு வந்து வரவேற்ற ரசிகர்கள்

    By Sudha
    |

    வேலாயுதம் படத்தின் டிரெய்லர் வெளியீட்டுக்காக கொச்சி வந்த நடிகர் விஜய்யை பெரும் திரளான ரசிகர்கள் கூடி வரவேற்றனர். இதனால் போக்குவரத்து பாதிக்கப்பட்டது.

    கேரளாவில் விஜய்க்கும் அதிக ரசிகர்கள் உண்டு. தமிழ்நாட்டைப் போலவே கேரளாவிலும் விஜய் படங்களுக்கு நல்ல வரவேற்பு உண்டு. இந்த நிலையில் தனது வேலாயுதம் படத்தின் டிரெய்லர் வெளியீட்டுக்காக விஜய் கொச்சி போயிருந்தார். அங்கு அவருக்கு ரசிகர்கள் பிரமாண்ட வரவேற்பு கொடுத்து அசத்தினர்.

    போக்குவரத்தையே பாதிக்கும் அளவுக்கு ரசிகர்கள் கூடி விட்டனர். பின்னர் பத்திரிக்கையாளர்களிடம் பேசிய விஜய், ரசிகர்களின் அன்பு தன்னை நெகிழ வைப்பதாக கூறினார். மேலும் மலையாளப் படத்தில் நடிக்க தான் விரும்புவதாகவும் கூறினார்.

    இதுகுறித்து விஜய் கூறுகையில், மலையாளப் படங்களை நான் விரும்புகிறேன். யதார்த்தமாக இங்கு படம் எடுக்கிறார்கள். அவர்கள் கதை சொல்லும் விதமே அலாதியாக இருக்கிறது. மலையாள சூப்பர் ஸ்டார்கள் மம்முட்டி மற்றும் மோகன்லால் ஆகிய இருவருக்குமே நான் ரசிககன். அவர்களுடன் சேர்ந்து நடிக்கவும் ஆசையாக இருக்கிறது. ஆனால் கூப்பிடுவார்களா என்பது தெரியவில்லை. ஆனால் வாய்ப்பு வந்தால் விட மாட்டேன் என்றார் விஜய்.

    வேலாயுதம் எப்படி வந்திருக்கிறது என்று செய்தியாளர்கள் கேட்டபோது நானே எனது படத்தைப் பற்றி பெருமையாக சொல்ல விரும்பவில்லை. மக்கள்தான் படத்தைப் பார்த்துச் சொல்லனும் என்றார் விஜய்.

    English summary
    Vijay, who was in Cochin on Saturday for the launch of the trailer of his coming movie ‘Velayudham,’ once again proved that he is one of the most popular Tamil actors with a huge fan base in Kerala. A terrific welcome was given to the actor by his ecstatic fans. And while interacting with the media later, Vijay did not hide his desire to act in a Malayalam movie. “I really love Malayalam films for the realistic way of story telling. And I am an admirer of both Malayalam superstars Mammootty and Mohanlal. I am not sure whether they will call me for doing a film together with them. But, if such an opportunity comes, I will not hesitate to act in a Malayalam cinema,” Vijay said.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X