காங்கிரஸ் கட்சியில் கூப்பிடறாங்கோ!- நமீதா

By Staff

| Published: Friday, April 24, 2009, 18:24 [IST]

எக்குத் தப்பாக கவர்ச்சி காட்டி, சிறுசுகளையும் பெருசுகளையும் தப்புத்தப்பாக கற்பனை பண்ண வைக்கும் கோடம்பாக்கம் ஹாட் நமீதாவை எப்படியாவது தேர்தல் களத்தில் இழுத்துப் போட முயன்று வருகின்றனவாம் தமிழக கட்சிகள் சில.

நமீதா நின்றால், நடந்தால், உட்கார்ந்தால்... என எல்லாமே செய்தியாகிவிடுவதாலும், இவர் ஜவுளிக்கடை திறக்கப் போனாலும் மாநாடு கணக்காக கூட்டம் கூடி விடுவதாலும், அவரது கவர்ச்சி இளைஞர்களின் ஓட்டுக்களை லபக்கென்று பறித்துவிடும் என்று திட்டம் தீட்டிய காங்கிரஸ், நமீதாவிடம் நேரடியாகவே டீலிங்கில் இறங்கியுள்ளது.

ஆனால் டைம் இல்லை என்று நிர்வாகிகளையும் சூட்கேஸ்களையும் திருப்பி அனுப்பிவிட்டாராம்!

இதுகுறித்து நமீதா கூறுகையில், பிரச்சாரத்துக்கு என்னை காங்கிரஸ் கட்சி அழைத்தது உண்மைதான். ஆனால் நிறைய படங்களுக்கு கால்ஷீட் கொடுத்திட்டேன். அதனால நேரமில்லேன்னு சொல்லிட்டேன். பணத்தைவிட கமிட்மெண்ட்தான் எனக்கு முக்கியம், என்றாராம் பக்கா டிப்ளமாட்டிக்காக.

நமீதா இப்போது தமிழில் மட்டுமல்ல, தெலுங்கு, மலையாளத்திலும் 'செம ஹாட் மச்சி' என்று கலக்கி வருவதால், அவரை பிரச்சாரத்துக்கு கட்சி தலைமை அழைத்திருக்கும். அவர் வந்திருந்தால் மக்களை கூடுதலாக கவர்ந்திழுத்திருக்க முடியும், என்கிறார் காங்கிரஸ் நிர்வாகி.