முகப்பு

ஸ்பெஷல்ஸ்

காட்டுப் புலி படத்தில் அர்ஜூன் மட்டும்தான் பைட் செய்திருக்கிறார் என்றால் சற்றே திருத்திக் கொள்ளுங்கள். படத்தின் நாயகியான ஷாயாலி பகத்தும் கூட அதி பயங்கரமான சண்டைக் காட்சிகளில் நடித்து அசத்தியுள்ளாராம்.

இந்த செய்தியை அர்ஜூன்தான் சொல்லியுள்ளார். காட்டுப்புலி என்ற படத்தில் டாக்டர் வேடத்தில் வருகிறார் அர்ஜூன். காட்டுக்குள் சிக்கிக் கொண்ட ஒரு குழுவை பத்திரமாக மீட்டுக் கொண்டுவரும் கதையாம். இப்படத்தில் அர்ஜூனுக்கு ஜோடி போட்டிருப்பவர் ஷாயாலி.

இப்படத்தில் தான் மட்டுமல்லாமல், நாயகி ஷாயாலியும் ஆபத்தான சண்டைக் காட்சிகளில் நடித்திருப்பதாக கூறுகிறார் அர்ஜூன். சண்டைக் காட்சிகளில் நடிக்க வேண்டும் என்று அவரிடம் கூறியபோது அவர் சற்றும் தயக்கம் காட்டவில்லை என்றும் துணிச்சலாகநடித்தார் என்றும் கூறியுள்ளார் அர்ஜூன்.

தமிழில் மட்டுமல்லாமல் தெலுங்கு மற்றும் இந்தியிலும் இப்படத்தை உருவாக்கியுள்ளனர். தமிழ் ரிலீஸ் உரிமையை கலைப்புலி தாணு வாங்கியுள்ளார்.

காட்டுப் புலியை வாங்கிய கலைப்புலி - செம பொருத்தம் போங்க...!