Don't Miss!
- Sports RR vs DC : எமோஷனலாக இருக்கேன்.. சஞ்சு சாம்சன் உள்ளே வந்து ஒன்றை சொன்னார்.. ரியான் பராக் நெகிழ்ச்சி!
- News சென்னையில் பிரபல ‛பப்’ மேற்கூரை இடிந்து விழுந்து விபத்து.. மெட்ரோ பணிகள் காரணமா! பகீர் தகவல்
- Automobiles கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
தமி்ழ் சினிமாவைக் கலாய்க்கும் தமிழ்ப் படம்!
தமிழிலோ வெற்றி பெற்ற படங்களை அப்படியே சுட்டுத்தான் பழக்கம். அல்லது நாராசமாக கிண்டலடித்துவிடுவார்கள். அதை நாசூக்கான, வயிறு குலுங்கும் காமெடி படங்களாகத் தரும் அளவு யாரும் மெனக்கெடுவதில்லை.
முதல் முறையாக அப்படியொரு முயற்சியில் இறங்குகிறது ஒரு இளைஞர் குழு. 'வொய் நாட்' (Y NOT) எனும் புதிய நிறுவனம் முதல் பிரதி அடிப்படையில் படம் ஒன்றை உருவாக்குகிறது. இதற்கு தமிழ்ப்படம் என்று பெயரிட்டுள்ளனர். படத்தைத் தயாரிப்பவர் வேறு யாருமல்ல... மத்திய அமைச்சர் முக அழகிரியின் மகன் தயாநிதி அழகிரி.
இந்தப் படத்தின் அறிமுக விழா மற்றும் ஆடியோ வெளியீடு குறித்த பத்திரிகையாளர் சந்திப்பு இன்று கிரீன் பார்க் ஓட்டலில் நடந்தது.
இதில் பங்கேற்ற தயாநிதி அழகிரி கூறுகையில், "இந்தப் படம் முழுக்க முழுக்க ஒரு புது முயற்சி. தமிழில் இப்படி ஒரு படம் வந்ததில்லை என்று சொல்லும் அளவுக்கு வந்துள்ளது. வயிறு குலுங்க சிரிக்க வைக்கும் இந்த நகைச்சுவைப் படத்தில், புகழ்பெற்ற, மாபெரும் வெற்றிப் படங்களின் அடிப்படையில் காட்சிகளை எடுத்துள்ளோம். அதேநேரம், நாங்கள் அந்தப் படங்களை எந்த வகையிலும் கிண்டலடிக்கவில்லை.
தமிழ் சினிமாவுக்கு இது ஒரு புதிய ட்ரெண்ட் என்று சொல்ல வேண்டும். வெற்றி பெற்ற படங்களை கவுரவிக்கும் முயற்சி இது என்று கூடச் சொல்லலாம்", என்றார்.
இந்தப் படத்தின் நாயகனாக சிவா நடித்துள்ளார். சலங்கை ஒலி கமல் ரேஞ்சுக்கு பரத நாட்டியமெல்லாம் ஆடியுள்ளாராம். தீஷா பாண்டே என்ற மும்பை மாடல் இதில் அறிமுகமாகிறார் நாயகியாக. தமிழில்தான் இவருக்கு முதல் படம். தெலுங்கில் ஏற்கெனவே படம் செய்துள்ளாராம்.
கண்ணன் இசையமைத்துள்ளார். இவரும் புதுமுகம்தான். இன்று தொலைக்காட்சியில் ஒலிக்கும் பல விளம்பர ஜிங்கில்ஸுக்கு இவர்தான் இசையமைப்பாளர். சிஎஸ் அமுதன் இயக்குநராக அறிமுகமாகும் இந்தப் படத்துக்கு ஒளிப்பதிவாளர் நீரவ் ஷா.