'சத்தமில்லாமல்' வந்த கருணாநிதி பேரன் படம்!

கடந்த ஆண்டு கிட்டத்தட்ட சீஸனில் வெளியான படம் வம்சம். ஹீரோ அருள்நிதி. அன்றைய முதல்வர் கருணாநிதியின் பேரன்.

இந்தப் படத்தின் ஆடியோ ரிலீஸ், பட வெளியீடு எல்லாமே பிரமாண்டமாக இருந்தன. ஒவ்வொரு நிகழ்வும் கருணாநிதி முன்னிலையில் நடந்தது. பாண்டிராஜன் இயக்கிய இந்தப் படமும் ஓரளவு நன்றாகவே ஓடியது.

சரியாக ஒரே ஆண்டில் நிலைமை தலைகீழ். யாரோ ஒரு புதுமுகத்தின் படம் வெளியாவதைப் போல சத்தமில்லாமல் வெளிவந்துள்ளது அருள் நிதி நடிப்பில் தயாராகியுள்ள உதயன்.

பரணிதா ஜோடியாக நடிக்க, சாப்ளின் இயக்கியுள்ள இந்தப் படம் வெள்ளிக்கிழமை வெளியானது.

திமுக ஆட்சிக் காலத்தில் அவர்களது குடும்பத்தினர் தயாரிப்பில் அல்லது விநியோகத்தில் வெளியான படங்களுக்குத்தான் திரையரங்குகள் முதலிடம் தந்தன. இப்போதோ, இதிலும் நிலைமை தலைகீழ் என்கிறார்கள் திரையுலகினர்.