3200 ஆண்டுகளுக்கு முந்தைய காலகட்ட பின்னணியில் உருவாகும் தனுஷின் மாரீசன்!

தனுஷை வைத்து சிம்புதேவன் ஒரு படம் இயக்குவதாக முன்பே தெரிவித்திருந்தோம். அதற்கான வேலைகள் துவங்கிவிட்டன.

இந்தப் படத்துக்கு 'மாரீசன்' என்று தலைப்பிட்டுள்ளனர். யுடிவி நிறுவனம் மெகா பட்ஜெட்டில் தயாரிக்கும் படம் இது. ரூ 30 கோடிக்கும் அதிகம் என்கிறார்கள். இது உண்மையாக இருந்தால் தனுஷ் இதுவரை நடித்ததிலேயே அதிக பட்ஜெட் இந்தப் படத்துக்குதான்!

கிமு 12-ம் நூற்றாண்டில் (அதாவது 3200 ஆண்டுகளுக்கு முந்தைய கால கட்டம்) நடக்கும் கதையை அடிப்படையாகக் கொண்டது இந்தப் படம் என்பதால்தான் இந்த அளவு பட்ஜெட்டாம்.

சிம்பு தேவனின் கதையைக் கேட்ட யுடிவியின் இப்போதைய உரிமையாளர்களான வால்ட் டிஸ்னி நிறுவனத்தினர், இந்தக் கதை ஆங்கிலப் படங்களின் பாணியில் கச்சிதமாக உள்ளது. தாராளமாக படமெடுங்கள் என பாராட்டினார்களாம்.

டிசம்பரில் படப்பிடிப்பு துவங்கவிருக்கும் மாரீசனுக்கு இசை ஜி வி பிரகாஷ்குமார், ஒளிப்பதிவு கதிர்.