ஸ்வாதிகா...ஹீரோ மகேந்திரன்!

Specials

oi-Staff

By Staff

| Published: Thursday, June 25, 2009, 17:05 [IST]

குழந்தை நட்சத்திரமாக பல படங்களில் நடித்து வந்த மகேந்திரன் இப்போது வாலிபனாகி ஹீரோவாகி விட்டார்.

நாட்டாமை படத்தில் குழந்தை நட்சத்திரமாக அறிமுகமானவர் மகேந்திரன். தொடர்ந்து பாண்டியராஜன் படங்கள் பலவற்றில் நடித்துள்ளார்.

தமிழ், தெலுங்கு, இந்தி என 6 மொழிகளில் நூற்றுக்கும் மேற்பட்ட படங்களில் குழந்தை நட்சத்திரமாக நடித்துள்ள மகேந்திரன் இப்போது ஹீரோவாகி விட்டார்.

இடையில், சன் மற்றும் கலைஞர் டிவிகளில் நடந்த நடன போட்டி நிகழ்ச்சிகளிலும் கலந்து கொண்டு வெற்றி பெற்றார் மகேந்திரன். இந்த நிலையில் ஹீரோவாகியுள்ளார்.

மாருதி குளோபல் ஆர்ட்ஸ் தயாரிப்பில் உருவாகும் லலிதா காலனி படத்தில் ஹீரோவாக அறிமுகமாகிறார் மகேந்திரன். அவருக்கு ஜோடி போடப் போவது ஸ்வாதிகா.

இப்படத்தின் தொடக்க விழா ஏவி.எம். ஸ்டுடியோவில் நடந்தது.

இளமை கொப்பளிக்கும் ஸ்வாதிகா, துள்ளலாக காணப்படும் மகேந்திரன் ஜோடி போடும் படம் என்பதால் படத்தில் இளமை ததும்பும் என எதிர்பார்க்கப்படுகிறது.