Click it and Unblock the Notifications
100 தியேட்டர்களில் தமிழ் ஸ்லம்டாக் 'நானும் கோடீஸ்வரன்'
இங்கிலாந்து தயாரிப்பாளர்கள், இயக்குநரால் உருவாக்கப்பட்டு, இந்தியக் கலைஞர்களின் நடிப்பிலும், ஏ.ஆர்.ரஹ்மானின் இசையிலும் உருவான ஸ்லம்டாக் மில்லியனர் ஆங்கிலப் படம், ஆஸ்கர் விருதுகளை அள்ளியது.
ரஹ்மான், ரசூல் பூக்குட்டி, குல்ஸார் ஆகிய இந்தியர்களுக்கும் ஆஸ்கர் விருதுகளைப் பெற்றுக் கொடுத்தது.
இந்த ஆங்கிலப் படம் தற்போது நானும் கோடீஸ்வரன் என்ற பெயரில் டப் செய்யப்பட்டுள்ளது.
இப்படத்தை தமிழில் ரிலீஸ் செய்வதற்கான உரிமை ரூ.50 லட்சத்துக்கு வாங்கப்பட்டது. பால்கன் பிலிம்ஸ் நிறுவனம் இந்த உரிமையை பெற்றது.
இரு வாரங்களாக டப்பிங் பணிகள் நடந்தன. கதாநாயகன் தேவ் படேலுக்கு நடிகர் சிம்பு தமிழில் டப்பிங் குரல் கொடுத்தார். அனில்கபூருக்கு பின்னணி பாடகர் எஸ்.பி.பாலசுப் பிரமணியம் குரல் கொடுத்தார். தமிழில்
நானும் கோடீஸ்வரன் படம் 27ம் தேதி தமிழகத்தில் வெளியாகிறது. மொத்தம் 100 தியேட்டர்களில் இது திரையிடப்படுகிறது. சென்னையில் மட்டும் 7 தியேட்டர்களில் இப்படத்தைக் காணலாம்.
கோல்டன் குளோப் விருது கிடைத்ததுமே இப்படத்தை தமிழில் வெளியாக ஏற்பாடுகள் நடந்தன. தற்போது ஆஸ்கர் விருதையும் அள்ளியுள்ளதால், படத்துக்கு நல்ல வரவேற்பு இருக்கும் என எதிர்பார்க்கப்படுகிறது.
Continue with Google