சோனியா சூரியின் அத்தியாயம் 6!

By Staff

Published: Friday, November 28, 2008, 17:55 [IST]

முன்னாள் குழந்தை நட்சத்திரமும், இன்னாள் தெலுங்கு இயக்குநரும், முன்னாள் நடிகை காவேரியின் கணவருமான சூரிய கிரணின் இயக்கத்தில் அத்தியாயம் 6 என்ற பெயரில் வித்தியாசமான கதையமைப்புடன் புதிய படம் தமிழில் தயாராகிறது.

மாஸ்டர் சுரேஷ் என்று சொன்னால் சூரியகிரணை அனைவருக்கும் தெரியும். மெளன கீதங்கள் படத்தில் பாக்யராஜ் - சரிதா ஜோடியின் மகனாக வந்து கலக்கியவர்தான் மாஸ்டர் சுரேஷ்.

பல்வேறு ரஜினி படங்கள், மைடியர் குட்டிச்சாத்தான் உள்ளிட்ட 200க்கும் மேற்பட்ட படங்களில் மாஸ்டர் நடிகராகவே நடித்து அசத்தியவர் சுரேஷ்.

வளர்ந்து வாலிபரானதும் இயக்கப் போய் விட்டார் - இங்கல்ல தெலுங்குக்கு. சூரியகிரண் என்ற பெயரில் 5 படங்களை தெலுங்கில் இயக்கியுள்ள சுரேஷ் முதல் முறையாக தமிழுக்கும் இயக்க வருகிறார்.

அத்தியாயம் 6 என்று இப்படத்துக்குப் பெயர் சூட்டியுள்ளார். இப்படத்தின் கதையில் ஆறு அத்தியாயங்கள் வருகின்றனவாம். அதனால்தான் அத்தியாயம் 6 என பெயர் சூட்டியுள்ளார். ஒவ்வொரு அத்தியாயத்திற்கும் ஒரு நிறத்தை முக்கியமாக வைத்துள்ளனராம்.

இப்படத்தில் நாயகியாக சோனியா சூரி நடிக்கிறார். இன்னொரு நாயகியாக சுரேஷின் மனைவியான காவேரி நடிக்கிறார்.

காவேரி, சமுத்திரம் படத்தில் சரத்குமாரின் தங்கச்சியாக நடித்தவர். காசி படத்திலும் நடித்துள்ளார். ஏராளமான தமிழ்ப் படங்களில் தலை காட்டியுள்ள காவேரி, சுரேஷை காதலித்து மணந்து கொண்டவர்.

அதேபோல நாயகர்களும் இருவர். ஒருவர் ஹரிநாத். இன்னொருவர் பாலா.

படத்திற்கு மூன்று இசையமைப்பாளர்கள். அற்புதன், சிவன், மோகன் சித்தாரா என 3 பேர் இசையமைத்துள்ளனர்.

படத்தை காவேரியே தயாரிக்கிறார். கண்வருக்கு மனைவி செய்யும் உதவி.