Click it and Unblock the Notifications
'காதல் மன்னன்' ஜெமினி வாழ்க்கை படமாகிறது!
படத்துக்கு தலைப்பும் "காதல் மன்னன் - தி கிங் ஆப் ரொமான்ஸ்" என்றே சூட்டப்பட்டுள்ளது.
இந்தப் படத்தை எடுப்பவர் ஜெமினியின் மகள்களுள் ஒருவரும் புகழ்பெற்ற பெண்கள் மருத்துவருமான டாக்டர் கமலா செல்வராஜ்.
கிட்டத்தட்ட 50 ஆண்டுகள் திரையுலகில் நீடித்த வெகு சில தமிழ் நடிகர்களில் ஜெமினியும் ஒருவர். அந்தக் காலத்தில் ஆக்ஷனுக்கு எம்ஜிஆர், நவரசத்துக்கு சிவாஜி, காதல் படங்கள் என்றால் ஜெமினி என்பதே ரசிகர்களின் தீர்ப்பாக இருந்தது. ஆனால் காதல் என்பதையும் தாண்டி மிகச் சிறந்த நடிப்பைத் தந்தவர் ஜெமினி. அதற்கு உதாரணம் புன்னகை.
மிஸ்ஸியம்மா, கல்யாணப் பரிசு, பாவமன்னிப்பு, வஞ்சிக்கோட்டை வாலிபன், பாச மலர், நாணல், புன்னகை போன்ற காலத்தால் அழியாத பல காவியப் படங்களில் ஜெமினியின் பங்களிப்பு பிரதானமாக இருந்தது.
ஜெமினியின் இந்த திரையுலகச் சாதனைகளை ஒரு உயிரோட்டமுள்ள ஆவணப் படமாக எடுக்கிறார்கள். படத்தை இயக்குபலர் வெங்கட்ராமன்.
இந்தப படம் குறித்து டாக்டர் கமலா செல்வராஜ் இப்படிக் கூறுகிறார்:
என் தந்தையின் வாழ்க்கை ஒரு திறந்த புத்தகம். ரகசியங்கள் ஏதுமில்லை. ஜெமினி என்ற இயல்பான நடிகரின் மகள் என்பதே எனக்குப் பெருமை. அவர் மீது பாசம், அதையும் தாண்டிய மரியாதை நிரம்ப உண்டு.
'காதல் மன்னன்' என்ற இந்தப் படம் ஜூலையில் ரிலீஸாகிறது. திரையரங்குகளிலும் வீடியோ வடிவிலும் ஒரே நேரத்தில் வெளியாகிறது.
Continue with Google