பகத் பாசில் அசால்ட்டாக கண்ணுலேயே நடிச்சுட்டு போயிருவாரு... நடிகர் சிவகார்த்திகேயன்!

வசூல் சாதனை

நடிகர் சிவகார்த்திகேயன் இப்போது தமிழ் சினிமாவில் உச்ச நடிகர்களுக்கு இணையாக தன்னுடைய ஒவ்வொரு படங்களும் வசூல் சாதனை செய்து வருகிறார். முன்னணி இயக்குநருடன் மட்டுமல்லாமல் அறிமுக இயக்குனர்களுடன் இணைந்து பணியாற்றி வரும் சிவகார்த்திகேயன் அறிமுக இயக்குநர் சிபிச்சக்கரவர்த்தி இயக்கத்தில் நடித்த திரைப்படம் டான். இயக்குநர் அட்லீயின் உதவி இயக்குநராக பணிபுரிந்த சிபி சக்கரவர்த்தி டான் படத்தை முழுக்க முழுக்க கல்லூரி கதை களத்தில் இயக்கி இருப்பார்.

சிவகார்த்திகேயனுக்கு ஜோடியாக

டாக்டர் படம் மிகப்பெரிய வெற்றி பெற்றது அந்த படத்தில் சிவகார்த்திகேயனுக்கு ஜோடியாக பிரியங்கா மோகன் நடித்திருப்பார் டாக்டர் படத்தில் சிவகார்த்திகேயன் மற்றும் பிரியங்கா மோகன் கெமிஸ்ட்ரி மிக நன்றாகவே ஒர்க் அவுட் ஆகி இருக்க இந்த படத்திலும் இருவரும் ஜோடியாக நடித்து அனைவரையும் மீண்டும் ரசிக்க வைத்திருப்பார்கள்.

அழுத்தமான பாசத்தை

டான் திரைப்படம் கலகலப்பான கல்லூரி காலத்தில் வெளியாகி இருந்தாலும் மற்றொருபுறம் மகனுக்கும் தந்தைக்கும் சொல்லப்படாத அழுத்தமான பாசத்தை மிகத் தெளிவாக கூறி அனைவரையும் கண்கலங்க வைத்தது. சிவகார்த்திகேயன், பிரியங்கா மோகன், எஸ் ஜே சூர்யா, சூரி, ராதாரவி, பாலசரவணன், முனிஸ்காந்த், காளி வெங்கட், விஜய் என பலர் இந்த படத்தில் முக்கியமான வேடங்களில் நடித்திருந்தனர். டான் திரைப்படம் மிகப் பெரிய வெற்றி பெற்ற நிலையில் அதைத் தொடர்ந்து இப்பொழுது பிரபல தெலுங்கு இயக்குநர் அனுதீப் இயக்கத்தில் நடித்து வருகிறார் இப்படத்திற்கு பிரின்ஸ் என டைட்டில் வைக்கப்பட்டுள்ளது. தமிழ் மற்றும் தெலுங்கு என இரு மொழிகளிலும் இப்படம் உருவாகி வருகிறது

Vikram பட வெற்றிக்காக நன்றி கூறி 5 மொழிகளில் பேசி வீடியோக்களை வெளியிட்டார் Kamal #Kollywood

அசால்ட்டாக கண்ணுலேயே நடிச்சுட்டு போயிருவாரு

சமீப காலமாகவே பல படங்கள் பான் இந்தியா படங்களாக அனைத்தும் மொழிகளிலும் வெளியாவதால் பல மொழி நடிகர்கள் அனைத்து மொழிகளிலும் நடிக்க ஆரம்பித்து உள்ளார்கள். அந்த வகையில் பிரபல மலையாள நடிகர் பகத் பாசில் தமிழ் மற்றும் தெலுங்கு உள்ளிட்ட மொழிகளில் அதிகம் கவனம் செலுத்தி வருகிறார். தனது வியக்கத்தக்க நடிப்பின் மூலம் மலையாளத்தில் எண்ணற்ற பிளாக்பஸ்டர் வெற்றிப்படங்களை கொடுத்துள்ள பகத் பாசில் தமிழ் சினிமாவிற்கு வேலைக்காரன் படத்தின் மூலம் அறிமுகமானார். அதைத்தொடர்ந்து புஷ்பா,விக்ரம் என அடுத்தடுத்த படங்களில் நடித்து வருகிறார் இந்த நிலையில் சிவகார்த்திகேயன் கிரிக்கெட் வீரர் அஸ்வின் ஆன்லைன் நேர்காணலில் பேசுகையில் பகத் பாசில் நடிக்க பெருசா கெட்டப் எல்லாம் போட மாட்டார். அசால்டா கண் எக்ஸ்பிரஸன்லயே நடிச்சி மிரட்டிட்டு போயிடுவாரு அதெல்லாம் எனக்கு சுத்தமா வராது. நான் ரசிக்கும் மற்றொரு நடிகர் பகத் பாசில். என சிவகார்த்திகேயன் வியந்து பாராட்டியுள்ளார்.