Click it and Unblock the Notifications
பாரதி ராஜாவின் புதிய ஹீரோ அமீர்!
இந்தப் படத்தில் கட்டுவிரியன் என்ற பாத்திரத்தில் அமீர் நடிக்கிறார்.
இந்த வேடத்தில் நடிக்க முதலில் தேர்வு செய்யப்பட்டவர் இயக்குநர் பார்த்திபன். அட்வான்ஸ் கொடுக்கப்பட்டு போட்டோ ஷூட் நடத்தி முடித்த நிலையில் அவர் இந்தப் படத்திலிருந்து நீக்கப்பட்டார்.
இந்த நிலையில் அவர் வேடத்தில் நடிக்க அமீரை தேர்வு செய்துள்ளார் இயக்குநர் பாரதிராஜா.
இந்த வேடத்துக்கான போட்டோ ஷூட் சமீபத்தில் தேனியில் நடந்தது. அதில் அமீர் பங்கேற்றார். வேடத்துக்கு அவர் பொருத்தமாக இருப்பதாக பாரதிராஜா கூறினார்.
பாரதிராஜாவுக்கும் அமீருக்கும் சமீபத்தில் நடந்த இயக்குநர் சங்க தேர்தலில் கடுமையான மோதல் எழுந்தது. பாரதிராஜாவை எதிர்த்து தலைவர் பதவிக்கு போட்டியிட்டவர் அமீர். பின்னர் இருவருக்கும் சமரசம் செய்து, தலைவர் பதவிக்கு பாரதிராஜா மட்டும் போட்டியிடும் வகையில் ஏற்பாடு செய்தது நினைவிருக்கலாம்.
இதனால் அமீர் உள்ளிட்ட ஒரு கோஷ்டியினர் மீது பாரதிராஜா வருத்தத்தில் இருந்தார். இப்போது அவை அனைத்தும் சரியாகி, இருவரும் கைகோர்த்துள்ளனர். ஆனால் இதில் பாதிக்கப்பட்டவர் பார்த்திபன்தான். இந்தப் படத்துக்காக உடம்பை ஸ்லிம்மாக்கி, முறுக்கு மீசை வளர்த்து பக்காவாக தயாரானவர் பார்த்திபன் என்பது குறிப்பிடத்தக்கது.
Continue with Google