Click it and Unblock the Notifications
ரஜினி- கமல் இருவரும் மிகப் பெரிய ஜாம்பவான்கள்- ஷாருக் கான்
பாலிவுட் சூப்பர்ஸ்டார் ஷாருக்கான் மிகவும் எதிர்பார்க்கும் படம் ரா ஒன். அவர் மட்டுமல்ல கோலிவுட்டும், தமிழக மக்களும் கூட ரான் ஒன் படத்தைப் பார்க்க பேராவலாக உள்ளனர். காரணம் ரா ஒன் படத்தில் நம்ம சூப்பர் ஸ்டார் ரஜினிகாந்த் ஒரு காட்சியில் வருகிறார்.
உடல் நலம் பாதிக்கப்பட்டு சிங்கப்பூருக்கு சென்று சிகிச்சை பெற்று வந்த பிறகு ரஜினி நடித்த முதல் படம் ரா ஒன் என்பது குறிப்பிடத்தக்கது. கடந்த சில நாட்களுக்கு முன்பு மும்பை சென்ற ரஜினி ரா ஒன் காட்சிகளை நடித்துக் கொடுத்துவிட்டு சென்னை திரும்பினார்.
இந்நிலையில் சென்னை வந்த ஷாருக்கான் நேற்று ரஜினிகாந்தை அவரது இல்லத்தில் சந்தித்து பேசினார். முன்னதாக அவர் நிருபர்களிடம் கூறுகையில் ரஜினிகாந்த், கமல்ஹாசன் ஆகிய இருவருமே மிகப் பெரிய ஜாம்பவான்கள் என்று புகழாரம் சூட்டினார்.
ரஜினியுடன், ரா ஒன் படத்தில் நடிப்பதற்கு முன்பே, பல ஆண்டுகளுக்கு முன்பு கமல் ஹாசனின் ஹே ராம் படத்தில் ஷாருக்கான் முக்கிய கதாபாத்திரத்தில் நடித்திருந்தார் என்பது நினைவிருக்கலாம். கோலிவுட்டின் இரு பெரும் ஜாம்பவான்களுடன் நடித்த பெருமை ஷாருக்கானுக்கு உண்டு.
ரஜினி குறித்து மேலும் அவர் கூறுகையில், ரஜினி காந்த் விரைவில் ராணா படத்தில் நடிப்பார். இதை அவரே என்னிடம் கூறியுள்ளார். அவரது படங்களை யாரும் ரீமேக் செய்ய முடியாது. அதேபோல ரஜினியைப் போன்று நடிக்க யாராலும் முடியாது என்றார் ஷாருக்.
Continue with Google