Don't Miss!
- News சென்னை பள்ளிக்கரணை ஆணவ கொலை: கோமாவுக்கு சென்ற பிரவீனின் மனைவி! ஷர்மி தற்கொலைக்கு யார் காரணம்?
- Lifestyle இந்த பழங்களை சாப்பிட்ட பிறகு தண்ணீர் குடிக்கக் கூடாதாம்... ஏன் தெரியுமா?
- Finance முகேஷ் அம்பானி ஸ்ட்ரிக்ட் ஆர்டர்..!! 'இங்க' தான் ஆனந்த் அம்பானி - ராதிகா திருமணம்..!
- Automobiles இவ்வளவு கம்மி விலையா? பஜாஜ் பல்சர் 400 பைக்கின் அறிமுக தேதி உறுதியானது!
- Technology பிளிப்கார்ட் பிச்சிக்குது.. வெறும் ரூ.13,999 போதும்.. OIS கேமரா.. 6000mAh பேட்டரி.. 1TB மெமரி.. எந்த மாடல்?
- Sports சிஎஸ்கே அணிக்கு சிக்கல்.. பிளே-ஆஃப் வாய்ப்புக்கு ஆப்பு வைத்த 2 அணிகள்.. இனி என்ன செய்ய வேண்டும்?
- Education மாணவர்களுக்கோர் ஓர் நற்செய்தி.. நான்கு ஆண்டு இளங்கலை பட்டப்படிப்பு படித்தவர்கள் பிஎச்.டி.யில் சேர
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
தீபாவளிப் படங்கள்... இதான் பைனல் லிஸ்ட்!
ஒரு வழியாக எந்தெந்தப் படங்கள் தீபாவளிக்கு வரும்.. என்ற லிஸ்ட் தயாராகிவிட்டது. அதன்படி ஜஸ்ட் 5 படங்கள்தான் இந்த தீபாவளிக்கு. இந்தப் பட்டியலில் தவறிப் போன மூன்று படங்கள் தீபாவளிக்கு இரு வாரங்கள் கழித்து வெளியாகின்றன.
அஜந்தா
தீபாவளிக்கு நான்கு நாட்கள் முன்னதாகவே வந்திருக்கும் படம் அஜந்தா. இளையராஜா இசையமைத்துள்ளார் என்பதைத் தவிர வேறு எதுவும் இந்தப் படம் குறித்து தெரியாது. இன்று முதல் காட்சிக்கு வந்த 300 பேருக்கு படத்தின் பாடல்கள் விசிடியை கொடுத்துள்ளார் இயக்குநரும் தயாரிப்பாளருமான ராஜ்பா ரவிசங்கர்.
காசி குப்பம்
காசி குப்பம் ஸ்டில்களெல்லாம் ஏதோ பிட்டு படம் ரேஞ்சுக்கு உள்ளன. நரேன், லிவிங்ஸ்டன் என ஒன்றிரண்டு தெரிந்த முகங்கள். மற்றவர்கள் புதுமுகங்கள். அருண் இயக்கியிருக்கிறார். நவம்பர் 13-ம் தேதி வெளியாகிறது.
போடா போடி
சிம்பு - வரலட்சுமி நடித்துள்ள படம். திடீர் பலகாரம் மாதிரி திடீரென தீபாவளிக்கு வந்துள்ளது. ஜெமினி நிறுவனம் வெளியிடும் இந்தப் படத்தின் இயக்குநர் விக்னேஷ் சிவா. இந்தப் படம் தன்னை தேற்றிவிடும் என ரொம்பவே நம்பிக் கொண்டிருக்கிறார் தயாரிப்பாளர் நேமிச்சந்த் ஜபக்.
அம்மாவின் கைப்பேசி
புலம்பல் ஸ்பெஷலிஸ்ட் ஆகிவிட்ட தங்கர் பச்சானின் அம்மாவின் கைப்பேசிதான் இந்த தீபாவளிக்கு ரெடியான முதல் படம். அவரது வழக்கமான சென்டிமெண்ட் படம்தான். இந்தப் படம் ஜெயித்தால் சாந்தனுவுக்கு புதிய திருப்புமுனை கிடைக்கும். ஆனால் இயக்குநருக்கும் சரி, ஹீரோவுக்கும் சரி... வாய் வாய்.. ரொம்பவே வாய். அது மட்டும் கொஞ்சம் அடங்கினா, மத்ததெல்லாம் தானாகவே வரும்!
துப்பாக்கி
விஜய் - முருகதாஸ் கூட்டணியில் ஏகப்பட்ட வில்லங்கங்கள், பஞ்சாயத்துகள், சிராய்ப்புகளுடன் வரும் படம் துப்பாக்கி. பொதுவாகவே இந்த ஆண்டு பெரிதாக பேசப்பட்டு, பெரும் பட்ஜெட்டில் வரும் படங்கள் எல்லாமே ஊத்திக் கொண்டன. அந்த ராசி இந்தப் படத்துக்கும் தொடராது என நம்புவோம்.
மற்றதெல்லாம்...?
இந்த தீபாவளிக்கு வந்தே தீருவேன் என துப்பாக்கியுடன் மல்லுக்கட்டிய கள்ளத் துப்பாக்கி சத்தத்தையே காணோம். நீர்ப்பறவை நவம்பர் 23-க்கு தள்ளிப் போயிருக்கிறது. கார்த்தியின் அலெக்ஸ் பாண்டியனும் நீர்ப்பறவையுடன் வெளியாகக் கூடும். நீதானே என் பொன்வசந்தம் டிசம்பர் 14-ல் வெளியாகிறது.