உதயநிதி நடிப்பிற்கும் நடனத்திற்கும் அவரது மனைவி கிருத்திகா போட்ட மார்க் எவ்வளவு தெரியுமா?

பேப்பர் ராக்கெட்

வணக்கம் சென்னை, காளி திரைப்படங்களைத் தொடர்ந்து கிருத்திகா உதயநிதி இயக்கியிருக்கும் வெப் சீரிஸ் தான் பேப்பர் ராக்கெட். கடந்த மாதம் ஓடிடியில் வெளியானது. இதில் காளிதாஸ் ஜெயராமன், தான்யா ரவிச்சந்திரன், பூர்ணிமா பாக்யராஜ், சின்னி ஜெயந்த், கருணாகரன், ரேணுகா உள்ளிட்டோர் நடித்துள்ளார்கள். இந்த வெப் சீரியஸ்க்கு மக்கள் மத்தியில் நல்ல வரவேற்பு கிடைத்தது.

நடிகர் உதயநிதி

உதயநிதி ஸ்டாலின் அவர்கள் நடிக்க வந்த ஆரம்ப காலகட்டத்தை விட தற்சமயம் முதிர்ச்சியான நடிப்பையே வெளிக்காட்டுகிறார். இந்நிலையில் கணவன் மனைவி இருவரும் கலந்து கொண்ட நிகழ்ச்சியில் ஒன்றில் உதயநிதியின் நடிப்பிற்கு எவ்வளவு மார்க் போடுவீர்கள் என்று கிருத்திகாவிடம் கேள்வி கேட்கப்பட்டது. 10 மதிப்பெண்ணிற்கு 8.5 கொடுத்துள்ளார். காரணம் இதுவரை வந்த படங்களுக்காக மட்டுமல்ல அவர் நடிப்பில் அடுத்ததாக வெளியாகவிருக்கும் மாமன்னன் திரைப்படத்தை பார்த்துவிட்டேன். அதனைப் பார்த்ததால் தான் இந்த மதிப்பெண் கொடுத்துள்ளேன் என்று கிருத்திகா கூறியுள்ளார்.

மிஸ் ஆன உதயநிதியின் பிளான்

ஏற்கனவே கிருத்திகாவின் திரில்லர் படத்தில் நடிப்பதை தவிர்ப்பதற்காகத்தான் மாரி செல்வராஜ் படத்தை ஒப்புக் கொண்டு அவரிடம் மாட்டிக் கொண்டேன் என்று உதயநிதி முன்னதாக கூறியிருந்தார். காரணம் அவர் அதிக டேக்குகள் வாங்குவாராம். அந்தப் படம் வெளியாகும்போது ஒரு நடிகனாக அவருக்கு நல்ல பெயர் கிடைக்கும் என பலரும் கூறி வருகின்றனர்.

நடனத்தில் முட்டை

கிருத்திகா உதயநிதி அடிப்படையில் ஒரு பரதநாட்டிய கலைஞர். அவருடைய நடனத்திற்கு எவ்வளவு மதிப்பெண் கொடுப்பீர்கள் என்று உதயநிதியிடம் கேட்கப்பட்டபோது, பத்துக்கு ஒரு மதிப்பெண்தான் கொடுத்துள்ளார். அதேபோல உதயநிதியின் நடனத்திற்கு எவ்வளவு மதிப்பெண் கொடுப்பீர்கள் என்று கிருத்திகாவிடம் கேட்கப்பட்டபோது முட்டை மார்க் கொடுத்துள்ளார். இவ்வளவு சிரமப்பட்டு ஆடுகிறேன் முட்டை மார்க்கா என்று உதயநிதி அதிர்ச்சியாக கேட்க, இந்த மதிப்பெண் அதற்காக இல்லை. மற்ற கதாநாயகிகளுடன் ஆடும் நீங்கள் என்னுடன் ஆட மறுக்கிறீர்கள். அதனால்தான் உங்களுக்கு முட்டை மார்க் என்று கிருத்திகா நகைச்சுவையாக கூறியுள்ளார். நடனம் ஆடுவதற்கு தயங்கியே அதற்கு முக்கியத்துவம் உள்ள படங்களை தவிர்த்துவிடுகிறாராம் உதயநிதி.