Don't Miss!
- Finance என்னப்பா டிரம்ப்.. பேசுறது ஒன்னு செய்யுறது ஒன்னா.. ட்ரூத் சோசியல் நிறுவனம் செய்த வேலைய பாருங்க..!
- Automobiles ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- Lifestyle சாணக்கிய நீதி படி திருமணமான ஆண்கள் இந்த தவறுகளை ஒருபோதும் பண்ணக்கூடாதாம்... இல்லனா அவங்க வாழ்க்கை அவ்வளவுதான்!
- Sports சுற்றி சிஎஸ்கே ரசிகர்கள்.. நடுவில் ஒற்றை ஆளாய் போட்ட ஆட்டம்.. சேப்பாக்கத்தில் லக்னோ ரசிகர் சம்பவம்!
- News விவிபேட் ஒப்புகை சீட்டுகளை எண்ணக்கோரிய வழக்கு: இன்று இடைக்கால உத்தரவு பிறப்பிக்கிறது உச்ச நீதிமன்றம்
- Technology வெளுக்குது ஆர்டர்.. ரூ.15249 பட்ஜெட்ல AMOLED டிஸ்பிளே.. 45W சூப்பர்வூக்.. 5000mAh பேட்டரி.. எந்த மாடல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
கொஞ்சம் பிளாஷ்பேக்: விஜய்யின் 'குஷி'யில் முதலில் நடிக்க இருந்த ஹீரோ இவர்தான்.. ஆச்சரியப்படாதீங்க!
சென்னை: விஜய் நடித்து சூப்பர் ஹிட்டான குஷி படம், அவருக்காக எழுதப்பட்ட கதை இல்லை என்கிறார்கள் சினிமாவில்.
Recommended Video
சினிமா அப்படித்தான். இது இப்படி நடக்கும் என்று நினைத்துக் கொண்டிருந்தால், அது வேறொன்றாக வந்து நிற்கும்.
சில நேரங்களில் எதிர்பாராத அதிர்ஷ்டம், எல்லை தாண்டி வந்து ஹாய் சொல்லும். அதிர்ஷ்டத்தை எதிர்பார்த்துக் கொண்டிருந்தால் அவமானங்கள் வந்து கதவைத் தட்டும்.
நல்லா வாய்ல வருது.. சாக்கடைங்க.. மகளுக்கு அட்வைஸ் கூறியவர்களை கிழித்து தொங்கவிட்ட வனிதா!
நினைத்தபடி
இதுதான் வாழ்க்கையும் கூட. நினைத்தபடியே எல்லாம் நடந்துவிடுமா என்ன? இப்படி சினிமாவில் உல்டாவாக மாறிய பல படங்கள் உண்டு. டைரக்டர், ஒரு ஹீரோவை மனதில் வைத்து கதையை உருவாக்கி இருந்தால், அந்த கதை வேறொரு ஹீரோவுக்குச் சென்றிருக்கும். அது ஹிட்டாகி இருக்கலாம். ஆகாமலும் போயிருக்கலாம். புதுமுகங்களுக்கு உருவாக்கிய கதை, பெரிய ஹீரோ நடிப்பிலும் வந்திருக்கும்.
விஜய், ஜோதிகாவின் குஷி
அப்படி ஒரு சம்பவம், சூப்பர் ஹிட் படமான 'குஷி'க்கும் நடந்திருக்கிறது. எஸ்.ஜே.சூர்யா இயக்கத்தில் விஜய், ஜோதிகா, மும்தாஜ், விவேக் உட்பட பலர் நடித்த படம், குஷி. தேவா இசை அமைத்திருந்த இந்தப் படத்துக்கு ஜீவா ஒளிப்பதிவு செய்திருந்தார். பொதுவாக 'கதையை வெளியில சொல்லமாட்டேன்' என்கிற இயக்குனர்களுக்கு மத்தியில், இதுதான் கதை, எப்படி முடியுதுன்னு பாருங்க, என்று ஆரம்பத்திலேயே எஸ்.ஜே.சூர்யா கதையை விளக்கி இருப்பார் படத்தில்.
நிக் ஆர்ட்ஸ்
தாளம் போட வைக்கும் பாடல்களும், கண்களில் ஒற்றிக் கொள்ளும்படியான ஒளிப்பதிவும் இந்த படத்துக்கு பிளஸ். இது எஸ்.ஜே.சூர்யாவுக்கு இரண்டாவது படம். ஆனால், முதல்படமாக வந்திருக்க வேண்டிய கதை! அப்போது, அஜித்தின் 'ராசி' படம் ரிலீஸ் ஆகி, சுமாரான வெற்றியை பெற்றிருந்த நேரம். எஸ்.ஜே.சூர்யா, 'வாலி' கதையை அஜித்துக்குச் சொல்லி இருந்தார். படத்தை நிக் ஆர்ட்ஸ் தயாரிக்க இருந்தது.
இயக்குனர் பாரதிராஜா
'ராசி' சுமார் ஹிட் என்பதால், தயாரிப்பாளரால் 'வாலி'யை உடனடியாகத் தொடங்க முடியவில்லை. தள்ளிக்கொண்டே போனது. இதற்கு முன்பு, எஸ்.ஜே.சூர்யா, இயக்குனர் பாரதிராஜாவிடம் கதை ஒன்றைச் சொல்லி இருந்தார். அவர் மகன் மனோஜ் ஹீரோவாக நடிப்பதற்காகச் சொல்லப்பட்ட கதை அது. பாரதிராஜா, தனது மனோஜ் கிரியேஷன்ஸ் சார்பாக தயாரித்து இயக்குவதாக இருந்தார். அந்த கதைதான், குஷி!
கடிதம் எழுதினார்
'வாலி' தள்ளிக்கொண்டே போனதால், பாரதிராஜா அழைத்தார் எஸ்.ஜே.சூர்யாவை. ஆனால், 'என்னை மதித்து கதை கேட்டு வாய்ப்புக் கொடுத்திருக்கிறார் அஜித். எவ்வளவு லேட் ஆனாலும் இந்தப் படத்தை முடித்துவிட்டு வருவேன்' என்று பாரதிராஜாவுக்கு டச்சிங்காக கடிதம் எழுதினார் எஸ்.ஜே.சூர்யா. பிறகு பாரதிராஜா, மனோஜ் நடிப்பில் 'தாஜ்மஹாலை' தொடங்கினார். எஸ்.ஜே.சூர்யா 'வாலி'யை இயக்கினர். படம் ஹிட். அடுத்து 'குஷி'யை விஜய் நடிப்பில் இயக்கி, அந்தப் படம் சூப்பர் ஹிட்டான கதைதான் தெரியுமே!