For Quick Alerts
ALLOW NOTIFICATIONS  
For Daily Alerts

    ராமநாராயணனின் குட்டிப்பிசாசு ட்ரைலரை வெளியிட்டார் கருணாநிதி!

    By Staff
    |
    Karunanidhi
    சிறிய இடைவெளிக்குப் பிறகு ராம நாராயணன் இயக்கும் படம் குட்டிப் பிசாசு. இந்தப் படத்தின் ட்ரைலரை முதல்வர் கருணாநிதி தனது வீட்டில் வைத்து வெளியிட்டார்.

    100 படங்களுக்கும் மேல் இயக்கி சாதனை புரிந்தவர் ராம நாராயணன். தமிழ் திரைப்பட தயாரிப்பாளர் சங்கத் தலைவராக அவர் பதவியேற்ற பிறகு புதிய படங்கள் இயக்காமல் இருந்தார். ஆனாலும் 2012 உள்பட பல மொழி மாற்றுப் படங்களை வாங்கி வெளியிட்டு பெரும் லாபம் ஈட்டினார்.

    இப்போது மீண்டும் ஒரு படத்தை தயாரித்து இயக்குகிறார். இது தமிழ், தெலுங்கு மற்றும் கன்னடத்தில் ஒரே நேரத்தில் வெளியாகிறது.

    ஆங்கிலப் படங்களுக்கு சவால் விடும் வகையில், அனிமேஷன் மற்றும் கிராபிக்ஸில் அசத்தியுள்ளார்களாம் இந்தப் படத்தில். இதற்கான கிராபிக்ஸ் வேலைகளை சில்வர்லைன் நிறுவனம் ஒரு வருடமாக செய்து வந்தது!

    இதுவரை எந்த மொழிப் படங்களிலும் இடம்பெறாத 18 அடி உயர பிரமாண்ட கார் மனிதன் இந்தப் படத்துக்காக உருவாக்கப்பட்டதாகக் கூறுகிறார் ராம நாராயணன்.

    படத்தில் குட்டிப் பிசாசாக நடிப்பவர் பேபி கீர்த்திகா. ராம்ஜி, சங்கீதா, ரம்யா கிருஷ்ணன் முக்கிய வேடங்களில் நடித்துள்ளனர். மூன்று வில்லன்களும் உண்டாம் படத்தில்.

    தேவா இசையில், கோடை விடுமுறை ஸ்பெஷலாக, குழந்தைகளைக் குதூகலிக்கச் செய்ய வருகிறது குட்டிப் பிசாசு.

    இந்தப் படத்தின் முன்னோட்டக் காட்சி அடங்கிய கேசட்டை முதல்வர் கருணாநிதி இன்று வெளியிட்டார். இயக்குநர் ராம நாராயணன், இயக்குநர் அமிர்தம், முரசொலி செல்வம் மற்றும் முரளி ராமநாராயணன் ஆகியோர் உடனிருந்தனர்.

    சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more