தமிழ் திரை உலகின் காதல் ஜோடிகள்…

கமல் – ஸ்ரீதேவி

70 களில் தமிழ் திரை உலகில் வலம் வந்த காதல் ஜோடிகளில் கமல்-ஸ்ரீதேவி ஜோடியின் கெமிஸ்ட்ரி நன்றாக ஒர்க் அவுட் ஆனது. இவர்கள் நடித்த படம் என்றாலே ரசிகர்களிடம் தனி வரவேற்பும் கிடைத்தது.

சுரேஷ் – நதியா

சினிமா உலகில் கல்லூரி கால வாழ்க்கையைப் பற்றி எடுக்கும் போது இளமை நாயகனாக வலம் வந்தவர் சுரேஷ் அவருக்கு ஜோடி நதியா என்பது ட்ரேட் மார்க் முத்திரையாகிப் போனது.

ராம்கி – நிரோஷா

இந்த ஜோடியும் எண்பதுகளில் அறிமுகமானதுதான். செந்தூரப்பூவே படத்தில் தொடங்கிய நெருக்கம் இன்றைக்கும் தொடர்கிறது.

அஜீத் – சிம்ரன்

அஜீத் உடன் சங்கவி தொடங்கி பார்வதி ஓமனக்குட்டன் வரை பல ஜோடிகள் நடித்திருக்கின்றனர். என்றாலும் அஜீத் - சிம்ரன் ஜோடி இடையே தனி கெமிஸ்ட்ரி உண்டு என்றுதான் கூறவேண்டும். ஆனால் அமர்க்களம் படத்தில் நடித்த ஷாலினி ரீல் ஜோடி நிலையில் இருந்து ரியல் ஜோடியானதுதான் சினிமா உலகின் ட்விஸ்ட்.

விஜய் – அசின்

சிவகாசி படத்தில் தொடங்கிய விஜய் - அசின் கூட்டணி போக்கிரி தொடர்ந்தது. அந்த படத்தில் இந்த ஜோடியின் கெமிஸ்ட்ரி செம ஹிட் என்று பேச்சு எழுந்தது. அதனால்தான் காவலன் படத்திலும் ஜோடி சேர்ந்தது விஜய் - அசின் கூட்டணி.

மாதவன் – மீரா ஜாஸ்மின்

ரன் படத்தில் மாதவன் - மீரா ஜாஸ்மின் ஜோடி பெருவாரியான ரசிகர்களைக் கவரக் காரணம் அவர்களுக்கு இடையே செட் ஆன கெமிஸ்ட்ரிதான் என்கின்றனர்.

ஆர்யா – நயன்தாரா

ஆர்யா உடன் எந்த நடிகை நடித்தாலும் பார்யா என்பதுபோலத்தான் இருக்கும். அந்த அளவுக்கு எல்லா நடிகைகளுடனும் செம கெமிஸ்ட்ரிதான். ஆனால் பாஸ் என்ற பாஸ்கரன் படத்தில் ஆர்யா - நயன்தாரா ஜோடி செம ஹாட் என்பது போலத்தான் அமைந்திருந்தது.

சூர்யா – அனுஷ்கா

திருமணத்திற்கு முன் சூர்யாவிற்கு சரியான ஜோடி ஜோதிகாதான் அதனால்தான் ரீல் ஜோடி ரியல் ஜோடியாக ஆனது. இப்போது சூர்யாவிற்கு ஏற்ற சரியான ஜோடி அனுஷ்காதானாம் அதை சொன்னது ஜோதிகா.

கார்த்தி – காஜல் அகர்வால்

பருத்தி வீரன் தொடங்கி அலெக்ஸ் பாண்டியன் வரை சிலபல கதாநாயகிகளுடன் கார்த்தி நடித்திருந்தாலும் அவருக்கு சரியான ஜோடி காஜல் அகர்வால்தான் என்கின்றனர் அவரது ரசிகைகள்.

தனுஷ் – ஹன்சிகா

அது என்னவோ தனுஷ் உடன் நடிக்கும் நடிகைகள் எல்லாமே அவரை விட கொஞ்சம் மெச்சூர்டாகவே இருக்கின்றனர். 3 படத்தில் தனுஷ் - ஸ்ருதி ஜோடி செட் ஆனாலும் ஹன்சிகா உடன்தான் தனுஷ் கெமிஸ்ட்ரி ஒர்க் அவுட் ஆகிறது என்கின்றனர்.

சிம்பு – த்ரிஷா

விண்ணைத் தாண்டி வருவாயா படத்தில் சிம்பு - த்ரிஷா கெமிஸ்ட்ரி நன்றாக ஒர்க் அவுட் ஆனது. அது சிம்புவிற்கும் த்ரிஷாவிற்கு அதிக அளவில் ரசிகர்களைப் பெற்றுத்தந்தது என்கின்றனர்.