For Quick Alerts
    ALLOW NOTIFICATIONS  
    For Daily Alerts

    எப்1 பார்ட்டியில் இன்று இரவு லேடி ககாவின் சிறப்பு நிகழ்ச்சி

    By Sudha
    |

    இந்தியாவின் முதல் எப் 1 ரேஸ் வெற்றிகரமாக முடிந்துள்ள நிலையில் அமெரிக்காவின், பிரபல பாப் பாடகி லேடி ககா நடத்தும் சிறப்பு இசை விருந்து இன்று இரவு டெல்லியில் நடைபெறுகிறது.

    இந்த நிகழ்ச்சியில் முழுக்க முழுக்க இந்திய ரசிகர்களுக்காகவே தான் சிறப்பு் பாடலைப் பாடப் போவதாக லேடி ககா உற்சாகத்துடன் கூறியுள்ளார்.

    உலகப் புகழ் பெற்ற எப் 1 கார்ப் பந்தயம் இன்று இந்தியாவுக்குள்ளும் புகுந்தது. டெல்லி அருகே அமைக்கப்பட்டுள்ள புத் இன்டர்நேஷனல் சர்க்யூட் மைதானத்தில் இந்தியாவின் முதலாவது எப் 1 ரேஸ் இன்று வெற்றிகரமாக நடந்தது. இதில் ஜெர்மனி வீரர் வெட்டல் முதலிடத்தைப் பிடித்தார்.

    இந்த நிலையில் எப் 1 விருந்து நிகழ்ச்சி இன்று இரவு நடைபெறுகிறது. இதில் எப் 1 வீரர்கள் உள்ளிட்டோர் பங்கேற்கின்றனர். இதில் அமெரிக்க பாப் பாடகி லேடி ககா சிறப்பு இசை விருந்தினை அளிக்கிறார்.

    கலக்கலாக டிரஸ் அணிவதில் பிரபலமானவர் ககா. ஆனால் இன்றைய நிகழ்ச்சியில் இந்திய உடையை அணிந்து அசத்தப் போகிறார். மேலும், இதுதான் அவர் இந்தியாவில் பங்கேற்கும் முதல் இசை நிகழ்ச்சி என்பதால் ரசிகர்களும் உற்சாகமாக காத்துள்ளனர்.

    சூப்பர்ஸ்டார் ஷாருக்கான் உள்ளிட்டோர் இதில் பங்கேற்கவுள்ளனர். டிக்கெட்டும் படு சூடாக விற்றுள்ளது.

    முன்னதாக வெள்ளிக்கிழமை இந்தியா வந்த ககாவுக்கு உற்சாகமான வரவேற்பு அளிக்கப்பட்டது. அவரும் நமஸ்தே சொல்லி ரசிகர்களை குதூகலப்படுத்தினார். நேற்று டெல்லி ஹாட் பகுதியில் ஷாப்பிங் போனார். இன்று தனது இசை விருந்தால் ரசிகர்களை குளிர்விக்கவுள்ளார்.

    English summary
    A treat is in store for the fans of pop diva Lady Gaga as she will perform in Delhi at the Formula One after-party on Sunday. This will be the singer's maiden performance in India. Lady Gaga who is known for her eccentric outfits is expected to wear an Indian outfit for the performance. Lady Gaga said that she is excited to be in India and greeted her fans with 'Namaste' as she landed in Delhi on Friday.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X