»   »  இளையராஜாக்கு மட்டுமல்ல.. தமிழ் சினிமாவில் இன்னொரு செலிபிரிட்டிக்கும் இன்னைக்கு ஹேப்பி பர்த்டே!

இளையராஜாக்கு மட்டுமல்ல.. தமிழ் சினிமாவில் இன்னொரு செலிபிரிட்டிக்கும் இன்னைக்கு ஹேப்பி பர்த்டே!

Posted By:
Subscribe to Oneindia Tamil

சென்னை: தமிழ் சினிமாவின் முன்னணி இயக்குநர்களில் ஒருவரான மணிரத்னம் இன்று தனது 63வது பிறந்தநாளைக் கொண்டாடுகிறார்.

தமிழ் சினிமாவில் 35 ஆண்டுகளுக்கும் மேலாக வெற்றிகரமான இயக்குநராக வலம் வருபவர் மணிரத்னம். காதல், தேச பக்தி என அனைத்துக் களங்களிலும் வெற்றிப் படங்களைக் கொடுக்கும் வித்தகர்.

வசந்த், கௌதம் வாசுதேவ் மேனன், ஏஆர் முருகதாஸ், செல்வராகவன் தொடங்கி, கார்த்திக் சுப்புராஜ், கார்த்திக் நரேன் என பல முன்னணி இயக்குநர்களின் ரோல்மாடலாக விளங்கி வரும் மணிரத்னம் இன்று தனது 63வது பிறந்தநாளைக் கொண்டாடுகிறார்.

கலைக்குடும்பம்:

கலைக்குடும்பம்:

மதுரையில் 1956-ம் ஆண்டு பிறந்த மணிரத்னத்திற்கு, அவரது பெற்றோர் வைத்த பெயர் கோபால ரத்னம் சுப்பிரமணி ஆகும். மணிரத்னத்தின் குடும்பமே கலைக்குடும்பம் தான். அவரது தந்தை கோபால ரத்னம் திரைப்படத் தயாரிப்பாளர், அண்ணன் விநியோகஸ்தர் மற்றும் தயாரிப்பாளர்.

முதல்படத்திலேயே விருது:

முதல்படத்திலேயே விருது:

மணிரத்னத்தின் முதல் படம் கன்னடத்தில் வெளியான பல்லவி அனுபல்லவி. வெற்றிப்படமாக அமையாவிட்டாலும், இப்படம் கர்நாடக மாநிலத்தின் அந்த ஆண்டுக்கான சிறந்த திரைப்பட விருதை வென்றது.

தொடர் வெற்றி:

தொடர் வெற்றி:

ஆனாலும், பின்வாங்க விரும்பவில்லை மணிரத்னம். அவரது நம்பிக்கைக்கு கிடைத்த வெற்றியாக 1986ம் ஆண்டு ரிலீசான மௌனராகம் அமைந்தது. அன்று தொடங்கிய வெற்றிப் பயணம் இன்றளவும் தொடர்கிறது. இடையில் சிலபல சறுக்கல்கள் அமைந்தாலும், தன் வித்தியாசமான கதைக்களங்களால் தனக்கென ஒரு ரசிகர் பட்டாளத்தை அவர் உருவாக்கி வைத்திருக்கிறார்.

பாடல்கள்

பாடல்கள்

1987-ல் இவரது இயக்கத்தில் வெளிவந்த ‘நாயகன்' திரைப்படம், உலக அளவில் சிறந்த 100 படங்களில் இடம்பெற்றுள்ளது குறிப்பிடத்தக்கது. இவரது படங்களில் இளையராஜா மற்றும் ஏ.ஆர். ரஹ்மான் இசையமைப்பில் பாடல்களும் அனைத்தும் சூப்பர் டூப்பர் ஹிட் ஆகின.

செக்கச் சிவந்த வானம்:

செக்கச் சிவந்த வானம்:

சுருக்கமான ஆழமான வசனங்கள் மூலம் மக்களை வியப்பில் ஆழ்த்துவது மணிரத்னத்தின் ஸ்டைல். 6 முறை தேசிய விருதும்,9 முறை தென்னிந்திய மற்றும் வட இந்திய ஃபிலிம்ஃபேர் விருதுகளையும் பெற்றுள்ள மணிரத்னம், சர்வதேச திரைப்பட விழாக்களில் 12 விருதுகளுக்கு மேல் வென்றுள்ளார். பத்மஸ்ரீ விருதும் பெற்றுள்ளார். தற்போது விஜய்சேதுபதி, சிம்பு என பெரிய நட்சத்திரப் பட்டாளமே நடிக்கும் செக்கச் சிவந்த வானம் படத்தை மணிரத்னம் இயக்கி வருகிறார் என்பது குறிப்பிடத்தக்கது.

For Quick Alerts
ALLOW NOTIFICATIONS
For Daily Alerts

    English summary
    Director Maniratnam is celebrating his 63rd birthday today.

    சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more