twitter
    For Quick Alerts
    ALLOW NOTIFICATIONS  
    For Daily Alerts

    ரஜினி நலமடைந்ததால் திருமலையில் சாமி தரிசனம் செய்த சௌந்தர்யா அஸ்வின்!

    By Shankar
    |

    Soundarya Rajini
    திருமலை: விவிஐபி தரிசன நேரம் முடிந்த பிறகு சாமி கும்பிட திருமலைக்கு வந்த சௌந்தர்யா ரஜினிக்கு நிர்வாகம் அனுமதி மறுத்துவிட்டது.

    ஆனால் நடிகர் மோகன் பாபு தலையிட்டதால், உடனடியாக அவரை அனுமதித்தனர் கோயில் நிர்வாகத்தினர்.

    நடிகர் ரஜினிகாந்த் உடல் நலமடைந்ததால், அவரது மகள் சௌந்தர்யா தனது கணவர் அஸ்வினுடன் நேற்று சாமி தரிசனம் செய்ய வந்தார்.

    நடிகர் ரஜினிகாந்த், அவரது மகள் சௌந்தர்யா, மருமகன் அஸ்வின் ஆகியோரது பெயர்களில் தெலுங்கு நடிகர் மோகன்பாபு மூலம் வி.வி.ஐ.பி. தரிசனத்துக்கு முன்கூட்டியே பதிவு செய்யப்பட்டிருந்தது.

    எனவே, ரஜினிகாந்த் திருமலைக்கு வருவார் என்ற எதிர்பார்ப்புடன் அவரது ரசிகர்கள் நேற்று அதிகாலையிலேயே மலையில் குவிந்துவிட்டனர். ஆனால், ரஜினிகாந்த் வரவில்லை. சௌந்தர்யா, அஸ்வின் ஆகியோர் மட்டுமே நேற்று காலையில் வைகுண்டம் கியூ காம்பளக்ஸ் வந்தனர். அதற்குள் வி.வி.ஐ.பி.க் கள் தரிசன நேரம் முடிந்து விட்டதால், இருவரும் கோயிலுக்குள் செல்ல அனுமதிக்கப்படவில்லை.

    இதனால், அரைமணி நேரம் கோயில் வெளிப்பகுதியில் இருவரும் காத்திருந்தனர். இதுகுறித்து தகவலறிந்த நடிகர் மோகன்பாபு, தேவஸ்தான உயரதிகாரிகளுக்கு போனில் பேசினார். பின்னர் சௌந்தர்யாவும், அஸ்வினும் விஐபி டிக்கெட் மூலம் தரிசனம் செய்தனர்.

    சாமி தரிசனம் முடித்து வெளியே வந்த சவுந்தர்யா நிருபர்களிடம் கூறுகையில், "எனது தந்தையின் உடல்நிலை குணமடைந்ததும் ஏழுமலையானை தரிசிக்க பிரார்த்தனை செய்திருந்தோம். அதன்படி தரிசிக்க வந்தோம்", என்றார்.

    ஆகஸ்ட் 14-ம் தேதி திருமலைக்கு வரும் ரஜினி

    மேலும் வரும் ஆகஸ்ட் 14-ம் தேதி ரஜினி திருமலைக்கு வந்து சாமி தரிசனம் செய்யவிருப்பதாகவும் சௌந்தர்யா தெரிவித்தார்.

    ரஜினி மகள்-மருமகனுக்கு திருப்பதி நகர ரஜினிகாந்த் ரசிகர் மன்ற நிர்வாகிகள் சால்வை அணிவித்து வரவேற்றனர். அவர்களுக்கு ஏழுமலையான் படங்களை பரிசாக வழங்கினார்.

    English summary
    The administrators of Thirumala temple have denied permission to Rajini's daughter Soundarya and her husband Ashwin due to their late entry. After the intervention of actor Mohan Babu, temple officials rushed the spot and welcome Soundarya for Swamy Dharshan.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X