Don't Miss!
- News அரசியல் வாழ்க்கையே ஓவர்? தாமரையை நம்பி போய் சேற்றில் சிக்கிட்டாரே.. இளம் தலைக்கு பாஜக வைத்த ஆப்பு
- Finance என்னப்பா டிரம்ப்.. பேசுறது ஒன்னு செய்யுறது ஒன்னா.. ட்ரூத் சோசியல் நிறுவனம் செய்த வேலைய பாருங்க..!
- Automobiles ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- Lifestyle சாணக்கிய நீதி படி திருமணமான ஆண்கள் இந்த தவறுகளை ஒருபோதும் பண்ணக்கூடாதாம்... இல்லனா அவங்க வாழ்க்கை அவ்வளவுதான்!
- Sports சுற்றி சிஎஸ்கே ரசிகர்கள்.. நடுவில் ஒற்றை ஆளாய் போட்ட ஆட்டம்.. சேப்பாக்கத்தில் லக்னோ ரசிகர் சம்பவம்!
- Technology வெளுக்குது ஆர்டர்.. ரூ.15249 பட்ஜெட்ல AMOLED டிஸ்பிளே.. 45W சூப்பர்வூக்.. 5000mAh பேட்டரி.. எந்த மாடல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
2020ல் கூகுளில் அதிகம் தேடப்பட்ட டாப் 10 படங்கள்.. சூரரைப் போற்று படத்துக்கு என்ன இடம் தெரியுமா?
சென்னை: 2020ம் ஆண்டு கூகுளில் அதிகம் தேடப்பட்ட படங்களில் சூர்யாவின் சூரரைப் போற்றுக்கு 2வது இடம் கிடைத்துள்ளது.
Recommended Video
டாப் 9 படங்களில் இந்தி படங்களே இடம்பெற்றுள்ள நிலையில், சூர்யாவுக்கு கிடைத்த மிகப்பெரிய பெருமையாகவே இது பார்க்கப்படுகிறது.
என்ன என்ன படங்கள் எந்த எந்த இடத்தில் இடம்பிடித்துள்ளன என்பதை இங்கே காண்போம்.
அமிதாப் பச்சன் படம்
அமிதாப் பச்சன், ஆயுஷ்மான் குரானா நடிப்பில் இந்த ஆண்டு அமேசான் பிரைமில் வெளியான படம் குலாபோ சித்தபோ. இயக்குநர் சுஜித் சர்கார் இயக்கத்தில் வெளியான இந்த படத்தை கூகுளில் அதிகமான ரசிகர்கள் தேடி உள்ளனர். கூகுள் வெளியிட்டுள்ள அதிகம் தேடப்பட்ட 2020 படங்கள் பட்டியலில் இந்த படத்துக்கு 10வது இடம் கிடைத்துள்ளது.
தோர் நடிகர் படம்
அவெஞ்சர்ஸ் படத்தில் தோர் கடவுளாக நடித்த பிரபல ஹாலிவுட் நடிகர் கிறிஸ்ஹெம்ஸ்வொர்த் மற்றும் பாலிவுட் நடிகர் ரந்தீப் ஹூடா இணைந்து நடித்து நெட்பிளிக்ஸில் இந்த ஆண்டு வெளியான Extraction படம் கூகுள் தேடலில் 9வது இடத்தை பிடித்துள்ளது. சாம் ஹார்கிரேவ் இயக்கிய இந்த படம் உலகளவில் கலெக்ஷனை அள்ளியது.
வேட்டை இந்தி ரீமேக்
தமிழில் லிங்குசாமி இயக்கத்தில் ஆர்யா, மாதவன், அமலாபால், சமீரா ரெட்டி நடிப்பில் வெளியான வேட்டை படத்தை அதிகாரப்பூர்வமாக பாலிவுட்டில் இயக்குநர் அகமது கான் பாகி 3 என ரீமேக் செய்தார். டைகர் ஷெராஃப், ஷ்ரத்தா கபூர், திஷா பதானி உள்ளிட்டோர் நடித்த இந்த படம் தியேட்டரில் ரிலீசானதும் தியேட்டர்கள் மூடப்பட்டன. பின்னர் ஓடிடியில் வெளியானது. கூகுள் தேடலில் 8வது இடத்தை பிடித்த இந்த படம் விமர்சன ரீதியாக அடிவாங்கியது.
ஆலியா பட் படம்
ஐஎம்டிபி ரேட்டிங்கில் ஒரு ஸ்டார் பெற்று, இந்த ஆண்டின் படு மோசமான படம் என ஒதுக்கப்பட்ட ஆலியா பட்டின் சடக் 2 திரைப்படத்தையும் இந்த ஆண்டு கூகுளில் அதிகமான ரசிகர்கள் தேடி உள்ளனர். சுஷாந்த் சிங் ராஜ்புத்தின் மரணத்தின் எதிரொலியாக இந்த படம் பாக்ஸ் ஆஃபிஸில் பல்பு வாங்கினாலும் கூகுள் தேடலில் 7ம் இடத்தை பிடித்துள்ளது.
காஞ்சனா இந்தி ரீமேக்
இயக்குநர் ராகவா லாரன்ஸ் இயக்கத்தில் பாலிவுட்டில் அக்ஷய் குமார், கியாரா அத்வானி நடிப்பில் வெளியான லக்ஷ்மி படம் கூகுள் தேடலில் இந்த ஆண்டு 6ம் இடத்தை பிடித்துள்ளது. தீபாவளிக்கு வெளியான இந்த படத்தின் மீது மிகப்பெரிய எதிர்பார்ப்பு இருந்த நிலையில், படம் வெளியானதும் விமர்சன ரீதியாக மிக மோசமான படம் என அறிவிக்கப்பட்டு பாக்ஸ் ஆஃபிஸ் கலெக்ஷனையும் பறிகொடுத்தது.
கஞ்சன் சக்சேனா
கார்கில் போரை மையமாக வைத்து உருவான கஞ்சன் சக்சேனா படம் 2020ல் கூகுளில் அதிகம் தேடப்பட்ட திரைப்படங்கள் பட்டியலில் 5வது இடத்தை பிடித்துள்ளது. கரண் ஜோஹர் தயாரிப்பில் சரண் சர்மா இயக்கத்தில் நடிகை ஸ்ரீதேவியின் மகள் ஜான்வி கபூர் நடிப்பில் இந்த படம் உருவானது குறிப்பிடத்தக்கது.
சகுந்தலாதேவி
நடிகை வித்யாபாலன் நடிப்பில் ஒடிடி தளத்தில் வெளியான ஹியூமன் கம்ப்யூட்டர் சகுந்தலாதேவியின் பயோபிக் திரைப்படத்தை கூகுளில் ஏராளமானோர் தேடி உள்ளனர். அமேசான் பிரைமில் வெளியான இந்த படத்தை அனு மேனன் இயக்கி இருந்தார். சகுந்தலாதேவியாக வித்யாபாலன் தனது சிறப்பான நடிப்பை வெளிப்படுத்தி பாராட்டுக்களை அள்ளினார்.
தன்ஹாஜி
இயக்குநர் ஓம் ராவத் இயக்கத்தில் அஜய் தேவ்கன், சைஃப் அலி கான், கஜோல், நேகா சர்மா உள்ளிட்டோர் நடித்திருந்த சுதந்திர போராட்ட வீரர் தன்ஹாஜி படம் கூகுளில் அதிகம் தேடப்பட்டோர் பட்டியலில் 3வது இடத்தை பிடித்துள்ளது. இயக்குநர் ஓம் ராவத் அடுத்ததாக பிரபாஸை வைத்து ஆதிபுருஷ் படத்தை இயக்க உள்ளது குறிப்பிடத்தக்கது.
சூரரைப் போற்று
இயக்குநர் சுதா கொங்கரா இயக்கத்தில் சூர்யா நடிப்பில் அமேசான் பிரைமில் வெளியான சூரரைப் போற்று திரைப்படம் இந்தியளவில் அதிகம் தேடப்பட்ட படங்களின் பட்டியலில் 2வது இடத்தை பிடித்துள்ளது. இந்த ஆண்டு ஒடிடியில் அதிகம் பார்க்கப்பட்ட படத்திலும் சூர்யாவின் சூரரைப் போற்று படத்துக்கு மிகப்பெரிய இடம் கிடைத்துள்ளது. தென்னிந்திய படங்களிலேயே தமிழ்ப்படமான சூரரைப் போற்று படத்திற்குத் தான் இந்த அங்கீகாரம் கிடைத்துள்ளது.
சுஷாந்தின் தில் பெச்சாரா
இளம் பாலிவுட் நடிகர் சுஷாந்த் சிங் ராஜ்புத்தின் மறைவு எதிரொலியாக அவரது நடிப்பில் வெளியான கடைசி படமான தில் பெச்சாரா படத்தை தான் கூகுளில் இந்த ஆண்டு கோடிக்கணக்கான ரசிகர்கள் தேடி உள்ளனர். டிஸ்னி பிளஸ் ஹாட்ஸ்டாரில் வெளியான இந்த படத்தை அதிகமானோர் பார்த்ததும் குறிப்பிடத்தக்கது.
-
இதுக்கு இல்லையா சார் ஒரு முடிவு?.. மீண்டும் பைக் டூர் கிளம்பிட்டாரா அஜித்?.. அப்போ விடாமுயற்சி
-
முடிச்சிடலாமா.. கூலி டைட்டில் டீசரில் ரஜினியின் டயலாக்.. முந்தைய படங்களை போலவே மாஸ் காட்டும் லோகேஷ்!
-
நான் பிச்சை எடுத்தாலும் மக்களுக்கான சேவை தொடர்ந்து செய்வேன்! நடிகர் பாலா உருக்கமான பேட்டி!