லாரன்ஸுடன் இணையும் அனுஷ்கா

முனி படத்தின் 2ம் பாகத்தை எடுக்கப் போகிறார் ராகவ லாரன்ஸ். இப்படத்தில் அவருக்கு இரண்டு ஜோடிகள். அதில் ஒருவர் 'சிங்கம்' அனுஷ்கா.

முனி படத்தில் லாரன்ஸுக்கு ஜோடியாக வேதிகா நடித்திருந்தார். அப்பாவாக வினு சக்ரவர்த்தி, அம்மாவாக கோவை சரளா நடித்திருந்தனர். முக்கிய வேடத்தில் அதாவது முனியாக ராஜ்கிரண் நடித்திருந்தார்.

2ம் பாகத்திற்கு காஞ்சனா என்று பெயரிட்டுள்ளார் லாரன்ஸ். இப்படத்தில் அவருக்கு ஜோடிகளாக அனுஷ்காவும், லட்சுமி ராயும் நடிக்கவுள்ளனராம். இப்படத்திலும் கோவை சரளா இருக்கிறார். ஆனால் ராஜ் கிரண் கிடையாதாம். முற்றிலும் வித்தியாசமான பின்னணியுடன் இந்த 2ம் பாகம் இருக்குமாம்.

படத்தில் 2 நாயகிகள் இருந்தாலும் கூட அனுஷ்காவுக்கு சற்று பவர்புல்லான ரோல் கொடுக்கப் போகிறாராம் லரான்ஸ். அது என்ன என்பதை சஸ்பென்ஸாக வைத்திருக்கிறாராம்.

ஒருவேளை 'முனியம்மா'வாக இருக்குமோ?