எனக்கு அண்ணனோட இந்த படம் தான் பிடிக்கும்.. கார்த்தி சொன்ன தகவலால் பாராட்டித்தள்ளும் ரசிகர்கள்!

ஆரம்பத்திலேயே பல வெற்றிகள்

நேருக்கு நேர் என்ற படத்தின் மூலம் நடிகராக அறிமுகமான சூர்யா, காதலே நிம்மதி, பூவெல்லாம் கேட்டுப்பார், உயிரிலே கலந்தது, பிராண்ட்ஸ், நந்தா என்று பல வெற்றி படங்களை கொடுத்துள்ளார். மௌனம் பேசியதே, காக்க காக்க, பேரழகன், ஆய்த எழுத்து, கஜினி என்று தொடர்ந்து வெற்றிப்படங்களை கொடுத்து வந்த நடிகர் சூர்யாவிற்கு 2003 ஆம் ஆண்டு பிதாமகன் திரைப்படம் மிகவும் நல்ல பெயரை பெற்று தந்தது.

மீண்டும் இணைந்த கூட்டணி

இயக்குநர் பாலா இயக்கத்தில் வெளிவந்த இந்த படத்தில் விக்ரம், சூர்யா, லைலா, சங்கீதா, போன்ற பலரும் நடித்திருந்தனர். சூர்யா மற்றும் பாலா இணைந்த இந்த திரைப்படம் அனைவரையும் திரும்பி பார்க்க வைத்தது. இளையராஜா இசையில் அனைத்து பாடல்களும் சூப்பர் ஹிட் ஆனது. இதில் சூர்யா சக்தி என்ற கதாபாத்திரத்தில் நடித்திருந்தார். பல வெற்றி படங்களை கொடுத்திருந்தாலும், நடிகர் கார்த்திக்கு சூர்யா நடித்தது பிதாமகன் திரைப்படம் தான் மிகவும் பிடிக்கும் என்று கூறியுள்ளார்.

இந்த படம் தான் பிடிக்கும்

சூரரைப்போற்று, ஜெய் பீம், விக்ரம் என்று பல படங்கள் வெற்றி படங்கள் கொடுத்திருந்தாலும், நடிகர் சூர்யா நடிப்பில் வெளியான பிதாமகன் படத்தில் சூர்யா நடித்திருந்த கதாபாத்திரம் நான் தனக்கு மிகவும் பிடிக்கும் என்று கார்த்தி கூறியுள்ளார். அண்ணன், தம்பி என்று மாற்றி மாற்றி பல வெற்றி படங்களை கொடுத்து வரும் சூர்யா மற்றும் கார்த்தி தமிழில் தற்போது முன்னணி நடிகர்களின் லிஸ்டில் உள்ளனர். சமீபத்தில் நடிகர் கார்த்தி மற்றும் அதிதி சங்கர் நடிப்பில் வெளிவந்திருக்கும் விருமன் திரைப்படம் நல்ல வரவேற்பை பெற்று வருகின்றது.

அடுத்த ஹிட் ரெடி

விருமன் திரைப்படத்தை சூர்யாவின் 2டி என்டர்டைன்மென்ட் நிறுவனம் தயாரித்துள்ளது. இதை தொடர்ந்து, கார்த்தியின் நடிப்பில் பொன்னியின் செல்வன் திரைப்படம் வெளிவர தயாராக உள்ளது. மிகுந்த எதிர்பார்ப்பில் இருக்கும் பொன்னியின் செல்வன் திரைப்படம் மோஷன் போஸ்டர் மற்றும் டிரைலர் அனைத்தும் நல்ல வரவேற்பு பெற்றதும் குறிப்பிடத்தக்கது. மணிரத்னம் இயக்கத்தில் பிரம்மாண்டமாக உருவாக்கப்பட்டிருக்கும் இந்த திரைப்படத்தில் பல முன்னணி நடிகர், நடிகைகள் நடித்துள்ளனர். இப்படத்திற்கு ஏ.ஆர்.ரகுமான் இசையமைத்துள்ளார் என்பது குறிப்பிடத்தக்கது.