Don't Miss!
- News ரூ 4 கோடிக்கும் எனக்கும் சம்பந்தமே இல்லை.. மே 2ல் காவல் துறையில் ஆஜராவேன்.. நயினார் நாகேந்திரன்
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Lifestyle 12 ஆண்டுகளுக்கு பின் நிகழும் குரு சுக்கிர சேர்க்கை: மே மாசம் இந்த 3 ராசிக்கு தொழில் பிரகாசிக்கப் போகுது..
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
ஹீரோவுக்கு இணையா வாங்குறாங்களாமே? ஷங்கர், முருகதாஸ், அட்லீ...டாப் இயக்குனர்களின் லேட்டஸ்ட் சம்பளம்
சென்னை: தமிழ் சினிமாவில் டாப் இயக்குனர்களின் சம்பளமும் உயர்ந்துள்ளதாகக் கூறப்படுகிறது.
தமிழ் சினிமாவில் நடிகர், நடிகைகளுக்கான சம்பளம் படங்களின் ஹிட்டை பொறுத்தே அமைகிறது.
டாப் ஹீரோக்கள் ஒரு படம் ஹிட்டானால் அடுத்த படத்துக்கு கன்னாபின்னாவென்று தங்களது சம்பளத்தை உயர்த்தி விடுகின்றனர்.
பட்ஜெட்டும் ஏறுகிறது
ரஜினிகாந்தின் சம்பளம் எங்கேயே போய்விட்டதாக இன்டஸ்ட்ரி பேசிக்கொண்டிருக்க, நடிகர் விஜய் அடுத்தப் படத்துக்கு ரூ.90 கோடி வரை கேட்பதாகக் கூறப்படுகிறது. அஜீத்தும் 60 ல் இருந்து 65 வரை கேட்பதாகச் சொல்லப்படுகிறது. இவர்கள் சம்பளம் ஏற ஏற படத்தின் பட்ஜெட்டும் ஏறிவிடுகிறது.
இயக்குனர் ஷங்கர்
இந்நிலையில் தமிழ் சினிமாவின் டாப் இயக்குனர்களும் சம்பளத்தை உயர்த்திவிட்டதாகக் கூறுகிறார்கள். இயக்குனர் ஷங்கர்தான் தமிழ் சினிமாவில் அதிகம் சம்பளம் வாங்கும் இயக்குனராக இருந்தார். இப்போதும் அவர்தான் இருக்கிறார். அவர் ஒரு படத்துக்கு வாங்கும் சம்பளம் ரூ.35 கோடியில் இருந்து ரூ.40 கோடி என்கிறார்கள்.
குறைத்தாரா?
இந்தியன் 2 படத்துக்கு முதலில் 50 கோடிக்கு மேல் சம்பளம் வேண்டும் என்று கேட்டதாகவும் மொத்த சம்பளம் மற்றும் பட்ஜெட்டை பார்த்தால் எங்கயோ சென்றதால், எல்லோரும் செலவுகளை குறைத்தால்தான் படத்தை குறிப்பிட்ட தொகைக்கு விற்க முடியும் என்று லைகா தரப்பில் பேசியதாகவும் இதையடுத்து கமல், ஷங்கர் உட்பட அனைவரும் தங்கள் சம்பளத்தை குறைத்ததாகவும் கூறப்படுகிறது. அதன்படி ஷங்கர் ரூ.40 கோடி வாங்கியுள்ளார் என்கிறார்கள்.
ஏ.ஆர்.முருகதாஸ்
அடுத்த இடத்தில் இருக்கிறார் ஏ.ஆர்.முருகதாஸ். கஜினி படத்தை இந்தியில் இயக்கப் போன
முருகதாஸ், அங்கிருந்து அப்படியே தனது சம்பளத்தையும் உயர்த்திக்கொண்டு வந்தார். ரஜினியின் தர்பார் படத்துக்கு அவர் வாங்கிய சம்பளம் ரூ.28 ல் இருந்து ரூ.30 கோடி என்கிறார்கள். அடுத்து ஒரு இந்தி படம் இயக்கி விட்டு தமிழுக்கு வந்தால், இது அப்படியே உயரும் என்றும் சொல்கிறார்கள்
இயக்குனர் அட்லீ
இயக்குனர் அட்லீ, விஜய் நடிப்பில் இயக்கிய தெறி, மெர்சல், பிகில் படங்கள் வசூலில் கலக்க, ஒவ்வொரு படத்துக்கு சில பல கோடிகளை ஏற்றுக்கொண்டே போனார். இப்போதை அவருடைய சம்பளம் ரூ.25 கோடியாம். அடுத்து ஷாருக்கான் நடிக்கும் படத்தை இயக்க இருப்பதாகச் சொல்கிறார்கள். அதை இயக்கினால் அவரது சம்பளம் ஷங்கருக்கு சமமாகும் என்பது கோலிவுட் டாக்.
பாண்டிராஜ்
கடைகுட்டி சிங்கம், நம்ம வீட்டுப்பிள்ளை என அடுத்தடுத்து ஹிட் கொடுத்த பாண்டிராஜ், இப்போது ரூ.15 கோடி சம்பளம் கேட்கிறாராம். அடுத்து நடிகர் விஜய்யின் தளபதி 65 படத்தை படத்தை அவர் இயக்கப் போவதாகக் கூறுகிறார்கள். இந்தப் படமும் ஹிட்டானால், பாண்டிராஜ் அடுத்து அட்லியின் சம்பள இடத்தைப் பிடிப்பாராம்.
வெற்றிமாறன்
இவர்கள் இப்படியென்றால், அசுரன் படத்துக்கு மெகா வெற்றியை குவித்த வெற்றிமாறன் அந்தப் படத்துக்கு வாங்கிய சம்பளம் ரூ.8 கோடிக்குள் என்கிறார்கள். இப்போது சூரி நடிப்பில் இயக்கப் போகும் படத்துக்கு, அசுரன் நேரத்திலேயே அட்வான்ஸ் வாங்கிவிட்டதால் சம்பளம் குறைவுதான் என்கிறார்கள். ஆனால், அடுத்து சூர்யா நடிப்பில் இயக்கும் வாடிவாசல் படத்துக்கு அதிகமாக இருக்கும் என்கிறது கோலிவுட்.