Don't Miss!
- News ‛‛குழந்தைகளை தண்டிக்க கூடாது’’.. NCPCR ரூல்ஸ்ஸை அமல்படுத்த பள்ளி கல்வித்துறைக்கு ஐகோர்ட் உத்தரவு
- Lifestyle Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- Technology ஆளுக்கு 1 ஆர்டர்.. ரூ.12,498 போதும்.. 50MP செல்பி கேமரா.. OZO ஆடியோ.. அறிமுகமானது HMD போன்கள்.. எந்த மாடல்?
- Finance ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு!
- Automobiles புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
அய்யா... கெணத்தைக் காணோம்..! - வடிவேலுவின் குபீர் காமெடிகள்! #VadiveluForLife
சென்னை : தமிழகத்தின் சார்லி சாப்ளின் எனப் போற்றப்படும் நகைச்சுவை நடிகர் வடிவேலுவுக்கு இன்று பிறந்தநாள்.
சமூக வலைதளங்களின் மூலம் தினம் தினம் கொண்டாடப்பட்டுக் கொண்டிருக்கிற வடிவேலு எனும் மகத்தான கலைஞனுக்கு நன்றி செய்யும் விதமாக அவர் நடித்த படங்களில் பெரும்பாலோனாரால் விரும்பப்படும் கேரக்டர்கள் சிலவற்றை நினைவு கூர்வோம்.
வடிவேலுவின் நடிப்பில் உருவான படங்களின் காமெடி காட்சிகளில் சிலவற்றை இங்கே பார்க்கலாம். உங்களுக்கு விருப்பமான காமெடிகளை கமென்ட்டில் தெரிவிக்கலாம்.
ஸ்டைல் பாண்டி
பாகவதர் ஸ்டைலில் 'ஸ்டைல் பாண்டி'யாக நடித்த வடிவேலு, நாய்க்குட்டியை எழுப்ப கரன்ட் ஷாக் கொடுப்பது, நூறாவது திருட்டு விழாவுக்கு அண்ணனின் விழுதுகள் என போஸ்டர் ஒட்டப்பட்டிருப்பதைப் பார்த்துப் பதறுவது என ரசிகர்களுக்கு செமையான காமெடி ட்ரீட் கொடுத்தார்.
என்கவுன்டர் ஏகாம்பரம்
அர்ஜுனிடன் இணைந்து நடித்த 'மருதமலை' படத்தில் என்கவுன்டர் ஏகாம்பரமாக டெரர் காமெடி செய்வார் வடிவேலு. டெலக்ஸ் பாண்டியன் சீரியஸ் போலீஸாக காமெடி செய்தால் ஏகாம்பரம் சிரிப்பு போலீஸாக செய்தது காமெடி டிராஜெடி.
செல்லப்பா
பார்த்திபனும், வடிவேலும் சேர்ந்தால் அந்தப் படத்தில் நகைச்சுவைக்குப் பஞ்சமிருக்காது. பார்த்திபனின் குண்டக்க மண்டக்க பேச்சில் சிக்கி சின்னாபின்னமாவார் வடிவேலு. படம் நெடுக இருவரும் செய்யும் ரகளைகள் மட்டுமே இந்தப் படத்தின் ஹைலைட் எனச் சொல்லவும் வேண்டுமா?
ஏகாதசி
'உன் பேரென்ன...' 'டேவிட்டு...' 'இன்னிலேருந்து உன் பேரு ட்ராவிட்டு' என பாப்பம்பட்டி கிரிக்கெட் அணிக்கு ஆள் பிடிப்பதலிருந்து தொடங்கும் கேப்டன் ஏகாதசியின் அட்ராசிட்டி, க்ரவுண்டிலேயே பேட்டால் தட்டி தண்ணி வர வைப்பது, மைதானத்தில் குப்புறப் படுத்து அப்படியே தூங்கிவிடுவது என சத்யராஜின் லொள்ளோடு ஏகாதசி ஏகபோக காமெடி செய்திருப்பார்.
உடும்பன்
'கெணத்தைக் காணோம்...' என லஞ்சத்திற்கு எதிராக விபரீதமாக வெகுண்டெழுந்த உடும்பன் காமெடிகள் அதகள ரகளை. 'இந்தப் பக்கம் ஐநூறு தென்னை.. இந்தப் பக்கம் ஐநூறு வாழை...' 'வட்டக் கிணறு... வத்தாத கிணறு' என கொளுத்திப் போட்ட உடும்பன் சிரிக்க மட்டுமல்ல சிந்திக்கவும் வைத்தார்.
இன்னும் இவைபோன்று நீங்கள் ரசித்த வேறு வடிவேலு கேரக்டர்களை கமென்ட்டில் குறிப்பிடுங்களேன்...