Don't Miss!
- Finance வெயிலுக்கு ஏத்த பிஸ்னஸ்.. சும்மா சொல்லக்கூடாது முகேஷ் அம்பானி வேற லெவல்..! .
- News "உயர் ஜாதியினரிடம்" 41% ஆனால்.. முஸ்லிம்களிடம் 8% சொத்துக்கள்தான் உள்ளன: டேட்டா சொல்லும் உண்மை
- Technology அள்ளி தரும் BSNL.. வெறும் ரூ.299 போதும்.. தினமும் 3GB டேட்டா.. வாய்ஸ் கால்கள்.. எத்தனை நாள் வேலிடிட்டி?
- Lifestyle ஹிட்லரின் நாஜி முகாமில் நடத்தப்பட்ட திகிலூட்டும் சோதனைகள் என்னென்ன தெரியுமா? முக்கியமா இரட்டை குழந்தைகள் மீது!
- Automobiles சாதாரணமா பஸ்ஸில் பயணம் செய்தது இவ்ளோ பெரிய ஆளா... முகத்தை நல்லா உத்து பார்த்ததும் ஷாக் ஆன மக்கள்...
- Sports IPL 2024: வெட்கத்தை விட்டு சொல்றேன்.. சிஎஸ்கே அணியால் இதை கூட செய்ய முடியலை.. புலம்பிய பிளெம்மிங்
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
விஜய் சேதுபதியின் அனபெல் சேதுபதி டிரைலர் எப்படி இருக்கு...ஓர் சுவாரஸ்ய அலசல்
சென்னை : விஜய் சேதுபதியும், டாப்சி பன்னும் இந்திய அளவில் புகழ்பெற்ற நடிகர்கள். தமிழ், தெலுங்கு, இந்தி னெ பல மொழிகளிலும் புகழ்பெற்ற இவர்கள் இணைந்து நடித்துள்ள படம் தான் அனபெல் சேதுபதி. இந்த படத்தின் டிரைலர் சமீபத்தில் வெளியிடப்பட்டது.
இந்த டிரைலரே பார்ப்பவர்களை வயிறு குலுங்க சிரிக்க வைக்கிறது. இதை பார்க்கும் போதே தெரிகிறது இந்த படம் காமெடி கலந்த பேய் படம் என்று. மிக பிரபலமான நடிகர்கள் ஏராளமானோர் நடித்துள்ள படம்.
சிரஞ்சீவி படத்தில் வில்லனாக நடிக்கும் மாதவன்?
யோகிபாபு, ராதிகா, சேத்தன், ஜாங்கிரி மதுமிதா, சுரேஷ் மேனன், ஜெகபதி பாபு உள்ளிட்ட பலரும் ஒரு பேய் பங்களாவில் மாட்டிக் கொள்வதை போல் டிரைலர் அமைக்கப்பட்டுள்ளது. இந்த திகிலான, காமெடி சூழல்கள் குடும்பத்தோடு படம் பார்க்கும் ரசிகர்களை நிச்சயம் கவரும் என்பதில் எந்த சந்தேகமும் இல்லை.
எப்போ ரிலீஸ்
தீபக் சுந்தர்ராஜன் எழுதி, இயக்கி உள்ள இந்த படத்தை சுதன் சுந்தரம் மற்றம் ஜி.ஜெயராம் இணைந்து தயாரித்துள்ளனர். செவன் ஸ்கிரீன் ஸ்டூடியோஸ் பேனில் இந்த படம் தயாரிக்கப்பட்டுள்ளது. இந்த படம் டிஸ்னி ப்ளஸ் ஹாட்ஸ்டாரில் செப்டம்பர் 17 ம் தேதி வெளியிடப்பட உள்ளது.
ராஜா கேரக்டரில் விஜய் சேதுபதி
இந்த படத்தில் விஜய் சேதுபதி, டாப்சி இருவருமே இரண்டு மாறுபட்ட கேரக்டர்களில் நடித்துள்ளனர். இரண்டு கால கட்டங்களில் நடப்பது போன்று டிரைலரில் காட்டப்பட்டுள்ளது. அதில் ஒரு பகுதியில் விஜய் சேதுபதி, வீர சேதுபதி ராஜா கேரக்டரிலும், டாப்சி ஆங்கிலேய பெண்ணான அனபெல் கேரக்டரிலும் வருகிறார்கள். மற்றொறு பகுதி தற்போதைய கால கட்டத்தில் நடப்பது போல் காட்டப்படுகிறது.
சீரிசுடன் காமெடி
டிரைலரின் துவக்கத்திலேயே வீர சேதுபதி ராஜா கட்டியது என பிரம்மாண்ட அரண்மனை காட்டப்படுகிறது. அதில் மிரட்டலாக விஜய் சேதுபதியும், டாப்சியும் வாள் சண்டை போடுவதாக காட்சி அமைக்கப்பட்டுள்ளது. அந்த சீரியஸ் உணர்வை அப்படியே கட் செய்து சிரிக்க வைப்பது போன்று, அந்த ஷாட்டில் ஒரு காமெடி சீன் காட்டப்படுகிறது.
இது தான் கதையா
வீர சேதுபதி ராஜா, தனது மனைவி அன்னபெல்லுக்காக பார்த்து பார்த்து கட்டிய பிரம்மாண்ட அரண்மனையை கைப்பற்ற போராடும் கும்பல் ஒரு பக்கம். அந்த அரண்மனையில் இருந்து வெளியேற முடியாமல் இருக்கும் பேய்கள் ஒரு பக்கம். இவை அனைத்தையும் காமெடி கலந்து சொல்லப்பட்டிருப்பது தான் படத்தின் கதை என டிரைலரை பார்க்கும் போது தெரிகிறது.
யோகிபாபுவின் கவுன்ட்டர்
அதிலும் டிரைலரின் முடிவில் டாப்சி, யோகிபாபுவிடம், புதுசு புதுசா கதை சொல்லாத என சொல்கிறார். அதற்கு கவுன்ட்டர் கொடுக்கும் விதமாக, இப்போ எல்லாம் யாரும்மா புது கதை சொல்றாங்க. பழைய கதையை தான் அப்படியே உல்டா பண்ணி சொல்கிறார்கள் என நச்சுன்னு தலையில் ஆனி அடித்தது போல் பேசுவது சபாஷ் போட வைக்கிறது. சிரிப்புடன், சிந்திக்கவும் வைக்கிறது.
விஜய் சேதுபதி குறைவு தான்
ஆனால் டிரைலரை வைத்து பார்க்கும் போது விஜய் சேதுபதி வரும் காட்சிகள் மிக குறைவு தான் என தெரிகிறது. ஆனால் ஹீரோ விஜய் சேதுபதி குறைவான காட்சிகளில் வரும் குறையே தெரியாத அளவிற்கு யோகிபாபுவின் காமெடி நிரப்பு விடுகிறது.
காமெடி பட்டாளம்
யோகிபாபுவின் கவுன்ட்டர் காமெடிக்கு சற்றும் சளிக்காமல் ராதிகா, ராஜேந்திர பிரசாந்த், சேத்தன், தேவதர்ஷினி, மதுமிதா உள்ளிட்டோரின் காமெடி அமைந்துள்ளது. அதிலும் ஆவிகளிடம் சிக்கிக் கொண்டு, இவர்கள் படும்பாட்டை பார்க்கையில் நிச்சயம் சிரிக்காமல் இருக்க முடியாது.