நல்லா கட்டிப்பிடிங்கன்னு சொன்னா விஜயகாந்த் தள்ளி விட்ருவாரு... நடிகை நளினி கூறிய சுவாரஸ்ய தகவல்

விளையாட்டு குணம்

உரிமை எடுத்து தாழ்மையுடன் வேண்டுகோள் வைப்பது போல, தன்னுடன் இருப்பவர்களிடம் உரிமை எடுத்து கண்டிக்கவும் செய்வாராம். கேமராவிற்கு பின்னால் அனைவரையும் வம்பிழுத்து ரகளையும் செய்வாராம். சக நடிகர்களுடன் போங்காட்டம் ஆடி சீட்டுக் கட்டு ஆட்டத்தில் ஜெயித்து, அதில் கிடைக்கும் பணத்தை வைத்து அனைவருக்கும் பிரியாணி வாங்கிக் கொடுப்பது போன்ற விளையாட்டுத் தனத்திலும் ஈடுபடுவாராம்.

விஜயகாந்தின் திட்டம்

அவர் செய்யும் குறும்புத்தனத்தை நடிகை நளினி சமீபத்திய நேர்காணலில் பகிர்ந்துள்ளார். நளினி ஒல்லியாக இருக்க வேண்டும் என்பதற்காக அவரது அம்மா அவருக்கு உணவுக் கட்டுப்பாடுகளை விதித்து டயட்டில் இருக்கச் செய்வாராம். விஜயகாந்திற்கு அவரது நண்பர் ராவுத்தர் கொண்டு வரும் வகை வகையான உணவை பார்த்து நளினி ஏங்கும் பொழுது,"நீ மேக்கப் ரூம்ல வெயிட் பண்ணி ராவுத்தர் கொண்டு வர்ற சாப்பாட சாப்டு. நா உன் அம்மாக்கிட்ட பேச்சு குடுத்து திசை திருப்பிடுறேன்" என்று விஜயகாந்த் கூறுவாராம்.

குந்தாணி நளினி

அதே போல் ராவுத்தர் கொண்டு வரும் உணவை மேக்கப் ரூமிற்கு எடுத்துச் செல்கையில், நளினியின் அம்மா என்ன எடுத்துச் செல்கிறீர்கள் என்று கேட்க,"அது ஒன்னும் இல்லம்மா, எனக்குதான் எடுத்துட்டு போறாரு. உங்க பொண்ணுக்கு குடுப்பேனா? ஏற்கனவே சாப்ட்டு சாப்ட்டு குந்தாணி மாதிரி மாறிக்கிட்டு வரா" என்று விஜயகாந்த் அவர்களிடம் பேசி சமாளித்துவிட்டு நளினிக்கு பிடித்த உணவை உண்ண வைப்பார் என்று நளினி கூறியுள்ளார்.

கட்டிப்பிடிக்கும்போது தள்ளி விடுவார்

விஜயகாந்தும் நளினியும் கிட்டத்தட்ட 14 படங்களில் ஒன்றாக நடித்துள்ளார்களாம். அப்படி இருந்தும் விஜயகாந்தை அண்ணா என்றுதான் அழைப்பாராம் நளினி. அதனால் நடிக்கும்போது கட்டிப்பிடிக்கும் காட்சிகள் வந்தால்,"அண்ணா நல்லா கட்டிப்பிடிங்கண்ணா, கூச்சப்படாதீங்க" என்று தான் கூறும்போது,"கட்டிப்பிடிக்கும்போது அண்ணான்னு சொன்னா எப்படி நடிக்கிறது" என்று கூறிவிட்டு விஜயகாந்த் தன்னை தள்ளிவிடுவார் என்று நளினி பல சுவாரஸ்யமான தகவல்களை கூறியுள்ளார்.