For Quick Alerts
ALLOW NOTIFICATIONS  
For Daily Alerts

சிங்கப்பூர் விழாவில் விஸ்வரூபம் ...பிரபுதேவா டான்ஸ்!

By Sudha
|

கமல்ஹாசன் இயக்கம் மற்றும் நடிப்பில் உருவாகி பலரின் எதிர்பார்ப்புகளையும் ஈர்த்துள்ள விஸ்வரூபம் முதல் முறையாக சிங்கப்பூரில் நடைபெறவுள்ள சர்வதேச இந்தியத் திரைப்பட விருது வழங்கும் விழாவில் திரையிடப்படவுள்ளது. இந்த விழாவில் கமல்ஹாசனுடன், நடிகை ராதிகா, பிரபுதேவா, ஏ.ஆர்.ரஹ்மான் உள்ளிட்டோர் கலந்து கொள்ளவுள்ளனர்.

கமல்ஹாசன் எழுதி, இயக்கி, நடித்து, இணைந்து தயாரித்துள்ள படம் விஸ்வரூபம். பலரையும் இப்படம் வெகுவாக ஈர்த்துள்ளது. காரணம் இப்படம் உருவாகியிருக்கும் விதம் குறித்து வெளியாகி வரும் தகவல். 100 சதவீதம் அக்மார்க் கமல் பாணி படம் என்பதால் படத்திற்கு எதிர்பார்ப்புகள் ஏகமாகிக் கொண்டிருக்கின்றன.

கமல்ஹாசன் இப்படத்தில் மாறுபட்ட நடிப்பு, உடல் மொழியை வெளிப்படுத்தியுள்ளதாக பேசப்படுகிறது. இதனால் ஹாலிவுட் வரையிலும் அவரது இந்தப் படம் குறித்த எதிர்பார்ப்பு பாய்ந்தோடி வருகிறது.

இந்த நிலையில் விஸ்வரூபம் முதல் முறையாக உலகப் பார்வையாளர்களுக்கு காட்சிக்கு வைக்கப்படவுள்ளது. ஜூன் மாதம் சிங்கப்பூரில் 3 நாட்கள் நடைபெறவுள்ள 13வது சர்வதேச இந்திய திரைப்பட விருதுகள் வழங்கும் விழாவில் வி்ஸ்வரூபம் திரையிடப்படவுள்ளதாம். கமல்ஹாசனே இதைத் தெரிவித்துள்ளார்.

ஜூன் 8ம் தேதி இப்படத்தின் இந்திப் பதிப்பு திரையிடப்படவுள்ளது. கமல்ஹாசன் தவிர பூஜா குமார், ஆண்ட்ரியா, ராகுல் போஸ் உள்ளிட்டோரும் இப்படத்தில் நடித்துள்ளனர்.

சிங்கப்பூர் லயன் சிட்டியில் நடைபெறும் இந்த விழாவில் கமல்ஹாசன் பங்கேற்கிறார். அவருடன் நடிகைகள் ராதிகா, ஷ்ரேயா, இசைப் புயல் ஏ.ஆர்.ரஹ்மான் உள்ளிட்டோரும் கலந்து கொள்கின்றனர். பிரபுதேவாவின் சிறப்பு நடனமும் விழாவில் இடம் பெறுகிறது.

English summary
Kamalhassan's Viswaroopam to be screened in Singapore India film fest in June.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more