»   »  கமல்ஹாஸன்... ஒரு மகத்தான கலைஞனை வாழ்த்துவோம்!

கமல்ஹாஸன்... ஒரு மகத்தான கலைஞனை வாழ்த்துவோம்!

By Shankar
Subscribe to Oneindia Tamil

கமல்ஹாஸன்...

இந்தியத் திரையுலகின் ஒரு பெரிய அத்தியாயம் அவர். ஐந்து வயதில் தொடங்கிய அவரது திரைப் பயணத்துக்கு இன்று வயது 54. அவருக்கு வயது 59!

சினிமாவுக்கு வந்த ஆரம்ப கட்டத்தில் ஒரு நடிகராக மட்டும் அவர் இருக்கவில்லை. உதவி நடன இயக்குநராக, உதவி ஒளிப்பதிவாளராக, உதவி இயக்குநராக.. என அத்தனை துறையிலும் தலையிட்டு வேலை பார்த்திருக்கிறார்.

அப்போதெல்லாம் அவரை ஆர்வக் கோளாறு என்று கமெண்ட் அடித்தவர்கள் உண்டு. ஆனால் அதுவல்ல உண்மை. அவரது அதீத ஆர்வமே, அவரை அனைத்து வேலைகளையும் இழுத்துப் போட்டு செய்ய வைத்தது. அதுவே அவரை பின்னாளில் சிறந்த இயக்குநராக, சினிமாவின் அனைத்து நுட்பங்களையும் புரிந்த கலைஞராக மாற்றியது.

ஒரு முறை இயக்குநர் பாலச்சந்தர், 'கமல் எல்லா விஷயத்தையும் ஒற்றை ஆளாகச் செய்ய நினைக்கிறார். ஆனால் அது அவருக்கு நல்லதல்ல. ஒரு ஸ்பீட் பிரேக் வேணும்பா' என கமலை வைத்துக் கொண்டே மேடையில் சொன்னார்.

அதற்கு கமல் சொன்ன பதில், 'என்னால் இன்னும் எத்தனை ஆண்டுகள் சினிமாவில் பணியாற்ற முடியும் என யோசித்தால், வருகிற பயம்தான் என்னை வேகப்படுத்துகிறது. இருக்கிற இந்த கொஞ்ச நாளைக்குள் என்னால் முடிந்த அத்தனையையும் செய்துவிட வேண்டும் எனத் துடிக்கிறேன்,' என்றார்.

எத்தனை பொருள் பொதிந்த பதில்... ஒரு உண்மையான கலைஞனுக்கே உரிய துடிப்பு இது.

கமல் தன்னைத்தானே நொந்து கொள்வது இந்த ஒரு விஷயத்துக்காகத்தான் என்பது அவரது பல மேடைகளைப் பார்த்தவர்களுக்குப் புரியும்.

Kamal

"முன்பெல்லாம் சினிமா வியாபாரம் சின்னதாக இருந்தது.. நிறைய படங்கள் பண்ணோம். இப்போது வியாபாரம் பெரிசாகி விட்டது. எங்கள் வயசும்தான். ஆனால் படங்கள் குறைந்துவிட்டன... அதை நினைத்தால் கவலையாகத்தான் உள்ளது," என்பார் அடிக்கடி.

அந்தக் கவலை இல்லாமல், இனி வரும் ஆண்டுகளில் உன்னதமான படைப்புகளைத் தர இந்த மாபெரும் கலைஞனுக்கு இயற்கை துணையிருக்க வாழ்த்துவோம்!

For Quick Alerts
ALLOW NOTIFICATIONS
For Daily Alerts

    English summary
    Legendary actor Kamal Hassan is celebrating his 59th birthday today.

    சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more