Click it and Unblock the Notifications
எம்.எஸ்.வியுடன் இணைகிறார் யுவன் ஷங்கர் ராஜா
இசைஞானியும், மெல்லிசை மன்னரும் இணைந்து கொடுத்த மெல்லத் திறந்தது கதவு இன்னும் கூட ரசிகர்களின் மனதிலிருந்து அகலவில்லை. அப்படி ஒரு மதுரமான இசையில் உருவானது அப்படம்.
இந்த நிலையில் எம்.எஸ்.வியுடன் இணைகிறார் இசைஞானியின் இசை வாரிசான யுவன் ஷங்கர் ராஜா. இருவரும் இணையப் போகும் படம் தில்லுமுல்லு ரீமேக்.
சூப்பர் ஸ்டார் ரஜினிகாந்த் நடிப்பில் கே.பாலச்சந்தரின் இயக்கத்தில் உருவாகி பட்டையைக் கிளப்பிய படம் தில்லுமுல்லு. இப்படம் இப்போது சிவா நடிக்க ரீமேக் ஆகவுள்ளது. இப்படத்தில்தான் எம்.எஸ்.வியுடன் இணைந்து இசையமைக்கவுள்ளார் யுவன்.
எம்.எஸ்.வியுடன் இணைந்து இசையமைக்கவுள்ளது குறித்து யுவன் மகிழ்ச்சி தெரிவித்துள்ளார்.
தில்லுமுல்லு ரீமேக்கில் சிவா ஹீரோவாக நடிக்கிறார். அவருக்கு ஜோடியாக ஈஷா தல்வார் நடிக்கவுள்ளார். இவர்கள் தவிர பிரகாஷ் ராஜ், சத்யன், மனோபாலா ஆகியோரும் நடிக்கவுள்ளார். தேங்காய் சீனிவாசன் காமெடியில் கலக்கிய வேடத்தில் பிரகாஷ் ராஜ் நடிப்பார் என்று தெரிகிறது.
கமல்ஹாசன் நடித்த கடைசி சீன் காமெடிக் காட்சியில் அவரது வேடத்தில் யார் நடிக்கப் போகிறார் என்பது தெரியவில்லை.
Continue with Google