முகப்பு

ஸ்பெஷல்ஸ்

ஜாகீர்கானும் நடிகை இஷா ஷர்வானியும் 2005-ம் ஆண்டு சந்தித்துக் கொண்டனர். ஆரம்பத்தில் நட்பு, பின்னர் காதல் என்ற வழக்கமான முறைப்படி இருவரும் நெருக்கமானார்கள். அவ்வப்போது பிணக்கு வந்து பிரிந்ததும் உண்டு.

இப்போது பெற்றோர் சம்மதத்துடன் இருவரும் திருமணம் செய்துகொள்ள முடிவெடுத்துள்ளனர்.

ஆஸ்திரேலியாவில் நடைபெறும் முத்தரப்பு கிரிக்கெட் போட்டி தொடர் முடிந்ததும் மார்ச் மாதம் கடைசியில் திருமணம் நடைபெறும் என்று ஜாகீர்கான் தரப்பில் கூறப்படுகிறது. மார்ச் மாதத்தில் திருமணத்தை முடிப்பதில் இரு வீட்டாரும் ஆர்வமாக உள்ளனர்.

ஒருவேளை மார்ச் மாதம் தவறினால் அக்டோபர் மாதத்தில் நிச்சயம் திருமணம் நடைபெறும் என்கிறார்கள். திருமண வரவேற்பை பிரமாண்டமாக நடத்த திட்டமிட்டுள்ளனர்.

மராட்டிய மாநிலத்தை சேர்ந்த ஜாகீர்கான் இதுவரை 82 டெஸ்ட் மற்றும் 191 ஒருநாள் போட்டியில் விளையாடி இருக்கிறார். டெஸ்டில் 285 விக்கெட்டும், ஒருநாள் போட்டியில் 273 விக்கெட்டும் வீழ்த்தி உள்ளார்.

தமிழில் பிஸியான நடிகை

நடனத்தில் புகழ்பெற்ற இஷா, கிஸ்னா என்ற இந்திப் படம் மூலம் நடிக்க வந்தார். இப்போது தமிழில் பிஸியாகிவிட்டார். கமலுடன் விஸ்வரூபம், சூர்யாவுடன் மாற்றான் படங்களில் நடித்துவருகிறார். விக்ரமுடனும் ஒரு படத்தில் நடிக்க ஒப்பந்தமாகியுள்ளார். குஜராத்தில் பிறந்த இவர் இப்போது குடும்பத்துடன் கேரள தலைநகர் திருவனந்தபுரத்தில் செட்டிலாகிவிட்டார்.