20 நிமிடங்களில் 20 செய்திகள்!

சின்னச் சின்ன செய்திகள் சுவாரஸ்யத்தை தரக்கூடியவை. அதுபோன்ற ஒரு செய்தி நிகழ்ச்சி சத்தியம் தொலைக்காட்சியில் ஒளிபரப்பாகிவருகிறது. கிரிக்கெட்டில் மட்டும்தான் 20-20 இருக்க முடியுமா என்ன? நாங்களும் 20 நிமிடத்தில் 20 செய்திகளைத்தருவோம் என்று களம் இறங்கியிருக்கின்றனர் சத்தியம் தொலைக்காட்சியினர்.

"சத்தியம் 20-20 செய்திகள்'' திங்கள் முதல் வெள்ளி வரை தினமும் இரவு 7.30 மணிக்கு ஒளிபரப்பாகி வருகிறது. இதில் ஒவ்வொரு நாளும் இடம்பெறும் சூடான 20 செய்திகளை 20 நிமிடங்களில் தொகுத்து ஒரு செய்திக் கதம்பமாக வழங்குகிறார்கள். சர்வதேச அளவில் தொடங்கி மாவட்டம் வரையிலான செய்திகளை இந்த 20-20 செய்திகளில் தெரிந்துகொள்ள முடியும்.